Biblia yatjjataña
¿Kunatsa mä cristianojj Diosan Arupat yatjjatañapapuni?
Sl 1:1-3; Pr 18:15; 1Ti 4:6; 2Ti 2:15
Hch 17:11 uñjjattʼarakïta.
-
Bibliankir aka sarnaqäwinakaw yanaptʼistaspa:
-
Sl 119:97-101. Diosan amuytʼayatäsajja, Jehová Diosan leyiparojj qhawqsa munasïna, kunjamsa ukarjam sarnaqañajj yanaptʼäna uka toqetwa salmo qellqerejj parläna.
-
Da 9:1-3, nota. Daniel profetajj sagrado libronakat wali sum yatjjatäna, ukatwa ‘israelitanakajj 70 maranakaw Babilonia markar apat uñjasipjjani, uka qhepatjja mayampiw Judá oraqer kuttʼapjjani’ sasin säna.
-
¿Kunatsa Bibliajj jukʼamp yatjjataskakiñatak chʼamañchtʼistu?
-
Bibliankir aka sarnaqäwinakaw yanaptʼistaspa:
-
Pr 4:18. Kunjamtï alwa qhantʼir qhanajj jukʼat jukʼat jukʼamp qhantkejja, ukhamarakiw Jehová Diosajj jupar munasipki ukanakatakejj cheqa yatichäwinakap jukʼat jukʼat qhanstayi.
-
Mt 24:45-47. Qhepa urunakanjja ‘suma phoqeri amuyasir esclavoruwʼ uttʼayäjja sasaw Jesusajj mä profecian arsüna, uka esclavow Diosan markaparojj horasapar yanaptʼanak churañapäna.
-
Jaqenakan qellqat libronak yatjjatañat sipansa, ¿kunatsa Bibliat yatjjatañatakejj chʼamachasiñasa?
Suma chuymamp Bibliat yatjjatapki ukanakarojja, ¿kun churañsa Jehová Diosajj arsuwayi?
Bibliat yatjjatkasin suma yatichäwinak apsuñatakejja, ¿kunsa nayraqatajj Jehová Diosar mayiñasa?
‘Suma phoqeri amuyasir esclavojj’ churkistu uka qellqatanakjja, ¿kunatsa wali sum yatjjatañatakejj chʼamachasiñasa?
Kuntï Bibliajj yatichki ukanakjja, ¿kunatsa wal thaqañatak chʼamachasiñasa?
¿Yatiñanïña ukat amuytʼirïñ jikjjatañatakejj kunatsa chʼamachasiñasa?
¿Kunatsa Biblia wali amuyump liytʼañasa, ukat kunatsa liytʼktan uka toqet lupʼiñasaraki?
¿Kunatsa jakañ vidasan Bibliat yateqktan ukarjam sarnaqañasa?
Kuntï yateqktan uk kunjamsa mayninakar qhanañchtʼsna uka toqet lupʼiñajja, ¿kunatsa wali wakiskiri?
Kuna wakiskir yatichäwinaktï yatjjatawayktan uk repastʼañajj ¿kunjamsa yanaptʼistaspa?
-
Bibliankir aka sarnaqäwiw yanaptʼistaspa:
-
Dt 6:6, 7; 11:18-20. Jehová Diosajja israelitanakarojj wawanakapar Leyip yatichapjjañapwa mayïna, jupanakajj taqe horasanwa Diosan Leyip yatichapjjañapäna.
-
¿Kunatsa familiasampi Biblia yatjjatañajj wali wakiskirejja?
-
Bibliankir aka sarnaqäwinakaw yanaptʼistaspa:
-
Gé 18:17-19. Jehová Diosajja, Abrahanarojj utapankirinakar kunatï cheqapäki uk yatichañapwa mayïna.
-
Sl 78:5-7. Israel markanjja, sapa mayniw wawanakapar Jehová Diosat yatichapjjañapäna, ukhamat jutïr wawanakajj Diosar confiyapjjañapataki.
-
¿Kunatsa congregacionamp Biblia yatjjatañajj wali wakiskirejja?
Akanakajj inas gustarakiristam
YATIYAÑATAKI
¿Sapürut Diosar istʼtanxa?
YATIYAÑATAKI
Biblia liyiñataki: ¿Kunjamsa Biblia liyiñ qalltiristjja?
Aka yatichäwin uñstki uka phesqa yanaptʼanakaw Biblia sum amuyañataki jan qarjas liyiñatak yanaptʼätam.
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
