Biblu’n nun ndɛ mɔ be kwla uka e’n:

• 2Ɲo 1:​8-12—I nun mɔ Famiɛn Salomɔn te yo gbanflɛn’n, ɔ srɛli Zoova kɛ ɔ mɛn i ngwlɛlɛ naan w’a kwla sie Izraɛli nvle’n i kpa. I sɔ kusu yɛ Zoova yoli-ɔ.

• Ɲan 2:​1-5—Be fali ngwlɛlɛ’n nin sa wlɛ wunlɛ’n ɔ nin akunndan’n be sunnzunnin ninnge kpakpa wie mɔ be ti fiawa’n. Yɛ be nga be kunndɛ ninnge sɔ mun’n, Zoova yra be su.

 Biblu’n nun ndɛ mɔ be kwla uka e’n:

• Ɲan 8:​1-3, 22-31—Be kannin ngwlɛlɛ ng’ɔ fin Ɲanmiɛn’n i ndɛ kɛ sran sa. Ngwlɛlɛ sɔ’n yɛle Ɲanmiɛn i Wa’n, i yɛ ɔ ti ninnge nga Ɲanmiɛn yili be’n be nun klikli’n niɔn.

• Mat 13:​51-54—Be nga be tili ndɛ nga Zezi kannin be’n be nun sunman b’a wunman like nga ti yɛ sran kun m’ɔ ɲinnin be ɲrun’n, ɔ kwla si ngwlɛlɛ dan kɛ nga sa’n.

Biblu’n nun ndɛ mɔ be kwla uka e’n:

• Zɔb 28:​12, 15-19—Kannzɛ bɔbɔ Zɔbu wun i ɲrun dan’n naan ninnge kaka fili i sa’n, sanngɛ ɔ buli ngwlɛlɛ ng’ɔ fin Ɲanmiɛn’n i like dan titi.

• Ju 19:​7-9—Famiɛn Davidi seli kɛ Zoova i mmla’n yo maan sran ng’ɔ siman sa’n, ɔ kaci ngwlɛlɛfuɛ.