တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၁:၈-၁၂—စီၤပၤစီၤၡလိၤမိၤ ဃ့ထုကဖၣ်လၢ ယဟိဝၤယွၤအအိၣ် ဒ်သိးအကန့ၢ်ဘၣ် တၢ်ကူၣ်သ့ဒ်သိး အပၢဆှၢဝဲ ပှၤအံၣ်စရ့လးဖိ ကသ့ဂ့ၤဂ့ၤအဂီၢ်. ဒီးယဟိဝၤယွၤ ဟ့ၣ်အီၤတၢ်လၢအဃ့ဝဲ.

• ကတိၤ ၂:၁-၅—တၢ်ကူၣ်သ့, တၢ်နၢ်ပၢၢ် ဒီးတၢ်သ့ပဲာ်ထံနီၤဖးတၢ်န့ၣ် လီၤဂာ်ဒ်သိးဒီး တၢ်လုၢ်ဒိၣ်ပှ့ၤဒိၣ်လၢ အအိၣ်ခူသူၣ်အသး. အဃိ ဒ်သိးပကဒိးန့ၢ်ဘၣ်အဂီၢ် ပကဘၣ်ဃုအီၤ လၢတၢ်သးဆူၣ်အပူၤ ဒီးပှၤလၢအမၤဝဲဒ်န့ၣ်န့ၣ် ယဟိဝၤယွၤ ကဆိၣ်ဂ့ၤအီၤ.

 တၢ်အဒိအတဲာ်လၢ လံာ်စီဆှံပူၤ–

• ကတိၤ ၈:၁-၃, ၂၂-၃၁—လံာ်စီဆှံအဆၢတဖၣ်အံၤ ဒိလီၤဝဲ တၢ်ကူၣ်သ့ ဒ်ပှၤတဂၤအသိး ဒီးဒုးသ့ၣ်နီၣ်ထီၣ်ပှၤလၢ ကစၢ်ယွၤ အဖိခွါ လၢအမ့ၢ် တၢ်ဘၣ်တ့အဖိဝဲၢ်ကိ.

• မး ၁၃:၅၁-၅၄—ယ့ၣ်ၡူး အိၣ်ဒီးတၢ်ကူၣ်သ့ဒီဒူၣ် ဒီးအဒိးန့ၢ်ဘၣ်ဝဲဒ်လဲၣ်န့ၣ် ပှၤလၢအခိၣ်အဃၢၤတဖၣ် တသ့ၣ်ညါဝဲဘၣ်.

တၢ်အဒိအတဲာ်လၢ လံာ်စီဆှံပူၤ–

• ဘး ၂၈:၁၂, ၁၅-၁၉—စီၤယိဘး မ့ၢ်ထံၣ်ဘၣ်ဒီး တၢ်သူၣ်အုးသးအုး, တၢ်ကီတၢ်ခဲ, ဒီးတၢ်လၢအအိၣ်ဒီးအီၤတဖၣ် မ့ၢ်လီၤမၢ်ကွံာ်ခဲလၢာ်သနာ်က့ အဆဲးပာ်ဖျါထီၣ်လၢ အပာ်လုၢ်ပာ်ပှ့ၤ တၢ်ကူၣ်သ့ဒံး.

• စံး ၁၉:၇-၉—စီၤဒၤဝံးတဲဝဲလၢ ယဟိဝၤယွၤ အတၢ်သိၣ်တၢ်သီ ဒီးအတၢ်ဒုးသ့ၣ်နီၣ်ထီၣ်န့ၣ် ကဒုးကူၣ်သ့ဝဲ ပှၤလၢအတၢ်လဲၤခီဖျိ တအိၣ်ဘၣ်တဖၣ်.