Bigda mini miñañ mi Bibel:

• 1 Sam. 16:16-23—Ngéda David a bé njohok, a bé yiba kiki mut a ntôp ni likeñge, kayéle u bé lona Kiñe Israel bañga nsañ ngéda a bé tubul nye

• 2 Miñ. 2:13, 14—Kiki Hiram-abi a bé gwel nson ni likeñge, Salômô a bi gwélél nye inyu minson minkeñi mi maoñ

Bigda mini miñañ mi Bibel:

• Bib. 24:10-21—Rébéka a bi boñ iloo kiki ngwélél Abraham a bi kal nye, hala a unda le a ngwés bôlô

•  Flp. 2:19-23—Ñôma Paul a bi bééga i mañge wanda nunu le Timôtéô minson minkeñi, mu kiki a bi tehe libak jé, le a ngwés bôlô, a bak bebee i sélél bape

Bigda unu ñañ u Bibel:

• Bin. 6:6-11—Kiñe Salômô a ngwélél hihéga hi hison inyu unda bés le di nlama sal ni ngui, di keñgle yeñgi

Bigda mini miñañ mi Bibel:

• Rut. 1:16, 17; 2:2, 3, 6, 7, 17, 18—Njohok yik muda le Ruth a bi sal ni ngui inyu yoñ ngéda ni nyôgôl wé Naômi

• Mat. 15:4-9—Yésu a bi yelel bihéñba bi ngim bôt i bé tjél yoñ ngéda ni bagwal bap, ba tinak njom le ba mal kébél Nyambe kii yosôna ba ban-ga

Bigda mini miñañ mi Bibel:

• Bib. 31:3-13—Laban a bé kép Yakôb mbai, nu a ba nkil wé ni ngwélél wé, i nya i bé bé i téé sép, ndi Yéhôva a bi tehe bôlô i ngui i Yakôb, a sayap nye

• Bib. 39:1-6, 20-23—Yéhôva a bi sayap bôlô i Yôsep, ibôdôl kii a bé nkol i ndap Pôtifar ikepam i ndap mok

Bigda mini miñañ mi Bibel:

• Luk. 12:15-21—Yésu a nti hihéga inyu niiga le hala a yé bijôñ i hoñol le di nlama bii moni i bisu iloo lingwañ li mbuu

• 1 Tim. 6:17-19—Ñôma Paul a bi béhe bikristen bi bi bé mingwañ, le bi yoñ matat le bi yila bañ ngôk; a ti bo makénd le “ba ba mingwañ ikété minson minlam”

Bigda mini miñañ mi Bibel:

• Mat. 25:14, 15—Hihéga hi Yésu hi unda le a bé bem bé le banigil ba sal nya yada

• Luk. 21:2-4—Yésu a bi yimbe nseñ u dimaga di moni yik muda i bi lona ni liyômba

Bigda unu ñañ u Bibel:

• 2 Tim. 4:17—Ñôma Paul a bi yigye le a bi kôhna ngui i ngéda a bééna toi ngôñ ni yo