Azɔ̌
Kancícá tɛ́ ka ɖo azɔ̌ kpó awǎjijɛ kpó tɛ́ntin?
Nǔt 2:24; 3:13, 22; Eza 65:22
Le tɛ́ lɛ́ mɔ̌ ka ɖo azɔ̌ ɖagbe kpó azɔ̌ mímɛ́ kpó wiwa mɛ?
Nǔx 22:29
-
Kpɔ́ndéwú Biblu tɔn e sixú d’alɔ we lɛ́ é:
-
1Sa 16:16-23: Hwenu e Davídi ɖo wǐnnyáwínnyá mɛ é ɔ, è tuun i dó tuun nǔxotɔ́ alɔsekpɛ́nnánɔ ɖé, nǔwúkpíkpé énɛ́ e é ɖó é zɔ́n bɔ é nyɔ́ zán nú axɔ́sú Izlayɛ́li tɔn e ayi tɔn gba dó é
-
2Ta 2:12, 13: Ilámu-Abíi nyí alɔlyɛnzɔ́watɔ́ alɔsekpɛ́nnánɔ ɖé, énɛ́ wú ɔ, é nyɔ́ zán nú axɔ́sú Salomɔ́ɔ ɖo xɔgbígbázɔ́ ɖaxó ɖé hwenu
-
Azɔ̌watɔ́ alɔkpa tɛ́ Jexóva sɛntɔ́ lɛ́ ka ɖó ná nyí?
-
Kpɔ́ndéwú Biblu tɔn e sixú d’alɔ we lɛ́ é:
-
Bǐ 24:10-21: Hlebéka wa nǔ zɛ nǔ e Ablaxámu sín mɛsɛntɔ́ byɔ́ ɖɔ é ní wa é wú, énɛ́ xlɛ́ ɖɔ é nyí alɔdómɛtɔ́ kpó azɔ̌syɛ́nsyɛ́nwatɔ́ kpó
-
Flp 2:19-23: Mɛsɛ́dó Pɔ́lu sɔ́ azɔ̌ kpinkpɛn ɖé dó así nú dɔ̌nkpɛvú Timɔtée, ɖó é ɖo gbesisɔmɛ bo ná w’azɔ̌ syɛ́nsyɛ́n nú mɛ ɖěvo lɛ́, lobo nɔ lɛ́ sɔ́ éɖée hwe wútu
-
Étɛ́wú mǐ ma ka jló ná nyí fɔnlínnɔ ǎ?
Nǔx 13:4; 18:9; 21:25, 26; Nǔt 10:18
-
Kpɔ́ndéwú Biblu tɔn e sixú d’alɔ we lɛ́ é:
-
Nǔx 6:6-11: Axɔ́sú Salomɔ́ɔ zán ayǐsínzɛn dó kplɔ́n nǔ mɛ dó azɔ̌syɛ́nsyɛ́nwiwa kpó alɔ nyinyi nú fɔnlín kpó wú
-
Étɛ́wú mǐ ka ɖó ná w’azɔ̌ syɛ́nsyɛ́n bá dó kpé nukún dó hudó mǐtɔn lɛ́ wú?
Étɛ́wú mǐ ka ɖó ná w’azɔ̌ syɛ́nsyɛ́n bá dó kpé nukún dó xwédo mǐtɔn sín hudó lɛ́ wú?
-
Kpɔ́ndéwú Biblu tɔn e sixú d’alɔ we lɛ́ é:
-
Hwl 1:16, 17; 2:2, 3, 6, 7, 17, 18: Asúkúsi wínnyáwínnyá Hwliti w’azɔ̌ syɛ́nsyɛ́n dó kpé nukún dó asú tɔn nɔ Nɔemíi wú
-
Mt 15:4-9: Jezu ɖe mɛ ɖěɖěe nɔ ɖó dó Jexóva sinsɛn wú bo ma nɔ kpé nukún dó mɛjitɔ́ yětɔn lɛ́ wú ǎ lɛ́ é gba
-
Étɛ́ klisánwun lɛ́ ka ɖó ná nɔ ɖo gbesisɔmɛ bá sɔ́ le ɖěɖěe nɔ tɔ́n sín azɔ̌syɛ́nsyɛ́nwiwa yětɔn mɛ lɛ́ é dó wa?
Linlin e ɖo jlɛ̌ jí é tɛ́ mǐ ka ɖó ná nɔ ɖó dó akwɛ́ e mǐ nɔ mɔ ɖo agbazazɔ́ mǐtɔn wiwa mɛ é wú?
Nǔx 30:8; 2Tɛ 3:12; 1Ti 6:6-10; Eb 13:5
Nɛ̌ mǐ ka wa gbɔn bo tuun ɖɔ Jexóva nɔ ba ná d’alɔ mǐ bónú mǐ ná w’azɔ̌ mǐtɔn ganjí, lobo kpé nukún dó hudó agbaza tɔn mǐtɔn lɛ́ wú?
Mt 6:25, 30-32; Lk 11:2, 3; 2Kɔ 9:10
-
Kpɔ́ndéwú Biblu tɔn e sixú d’alɔ we lɛ́ é:
-
Bǐ 31:3-13: Labáan wa nǔ agɔ xá vǐ tɔn sú Jakɔ́bu e é yí dó azɔ̌ mɛ é, amɔ̌, Jexóva mɔ azɔ̌syɛ́nsyɛ́nwiwa Jakɔ́bu tɔn bo kɔn nyɔ̌ná dó jǐ tɔn
-
Bǐ 39:1-6, 20-23: Jexóva kɔn nyɔ̌ná dó azɔ̌ Jozɛ́fu tɔn jí, hwenu e é nyí kannumɔ ɖo Potifáa xwégbe é kpó hwenu e é nyí gantɔ́ é kpó
-
Étɛ́wú agbazazɔ́ mǐtɔn ma ka ɖó ná ɖo tají hú sinsɛnzɔ́ e mǐ nɔ wa nú Mawu é gbeɖé ǎ?
-
Kpɔ́ndéwú Biblu tɔn e sixú d’alɔ we lɛ́ é:
-
Lk 12:15-21: Jezu ná nǔjlɛ́dónǔwú ɖé dó xlɛ́ ɖɔ xlonɔnú wɛ é nyí ɖɔ è ní sɔ́ nǔ agbaza tɔn lɛ́ ɖó nukɔn nú dɔkun gbigbɔ tɔn lɛ́
-
1Ti 6:17-19: Mɛsɛ́dó Pɔ́lu gb’akpá nú klisánwun e jɛ dɔkun lɛ́ é dó awǒvinú e ɖo goyíyí mɛ é wú, bo dó wǔsyɛ́n lanmɛ nú yě ɖɔ “yě ní nɔ wa nǔ ɖagbe gěgé”
-
Nǔgbódodó tɛ́ lɛ́ ka ɖó ná xlɛ́ ali mǐ ɖo gbeta azɔ̌ e mǐ ná wa é tɔn kɔn wíwá mɛ?
-
Tí 20:4; Mɛ 15:29; Efɛ́ 4:28; Nǔ 21:8: Azɔ̌ ɔ ná byɔ́ ɖo así ce ɖɔ má ɖ’alɔ ɖo nǔ e Mawu gbɛ́ é ɖě mɛ wɛ a?
-
Tí 21:22-24; Eza 2:4; 1Kɔ 6:9, 10; 2Kɔ 7:1: Azɔ̌ ɔ ná nɔ gǔdo nú nǔ e Mawu gbɛ́ é ɖé, alǒ jɛ hun d’é jí, b’ɛ ná xlɛ́ ɖɔ nyi lɔ ɖó nu ɖ’é mɛ wɛ a?
-
Hlɔ̌ 13:1-7; Ti 3:1, 2: Azɔ̌ ɔ ná byɔ́ ɖɔ má gba tosɛ́n ɖé wɛ a?
-
2Kɔ 6:14-16; Nǔ 18:2, 4: Azɔ̌ ɔ ná zɔ́n bɔ un ná ɖó nu ɖo sinsɛn nǔvú mɛ alǒ nɔ gǔdo ná wɛ a?
Azɔ̌ wiwa nú Jexóva
Azɔ̌ tɛ́ ka ɖo tají hú gǎn bɔ klisánwun lɛ́ sixú wa?
Étɛ́wú akpakpa ka nɔ sɔ́ mǐ dó nǔ e wú mǐ kpé é bǐ wiwa ɖo sinsɛnzɔ́ Jexóva tɔn mɛ wú?
Lk 13:24; Hlɔ̌ 12:11; 1Kɔ 15:58; Eb 6:10-12
Lɛ̌ kpɔ́n 1Ti 3:1
Étɛ́wú mǐ ma ka ɖó ná ɖó nukún ɖɔ mɛ bǐ ná kpé wú bo ná wa nǔ ɖokpó ɔ ɖo sinsɛnzɔ́ Jexóva tɔn mɛ ǎ?
-
Kpɔ́ndéwú Biblu tɔn e sixú d’alɔ we lɛ́ é:
-
Mt 25:14, 15: Nǔjlɛ́dónǔwú Jezu tɔn xlɛ́ ɖɔ é kún nɔ ɖó nukún ɖɔ ahwanvú émítɔn lɛ́ bǐ ní wa nǔ ɖokpó ɔ ó
-
Lk 21:2-4: Kpó xomɛnyínyɔ́ kpó ɔ, Jezu ɖɔ ɖɔ nǔ kpɛ e asúkúsi wamamɔnɔ ɖé ná é xɔ akwɛ́ tawun
-
Fítɛ́ mǐ ka nɔ ba hlɔ̌nhlɔ́n sín dó wa azɔ̌ e è ɖe nú mǐ ɖo sinsɛnzɔ́ Jexóva tɔn mɛ é ná?
2Kɔ 4:7; Efɛ́ 3:20, 21; Flp 4:13
-
Kpɔ́ndéwú Biblu tɔn e sixú d’alɔ we lɛ́ é:
-
2Ti 4:17: Mɛsɛ́dó Pɔ́lu yí gbe ɖɔ émí nɔ mɔ hlɔ̌nhlɔ́n e sín hudó émí ɖó é, hwenu e émí ɖó hudó tɔn dó é
-
Étɛ́wú azɔ̌ syɛ́nsyɛ́n wiwa ɖo sinsɛnzɔ́ Jexóva tɔn mɛ ka nɔ hɛn awǎjijɛ wá?