Olimu
Diɔtɔnganelo diakɔna diele lam’asa olimu l’ɔngɛnɔngɛnɔ?
Naa ɛlɔlɔ ɛmɔtshi waya lo mbeka dia nkamba olimu lo yoho ya dimɛna?
-
Bɛnyɛlɔ dia lo Bible diakoka kokimanyiya:
-
1Sa 16:16-23—Ɔlɔngɔlɔngɔ Davidɛ akeyama oko omembi w’esambo wele la diewo ndo mishiki ande wakatutadiaka nkumekanga k’Isariyɛlɛ lakawɔsaka la nɛmɔ l’ɔtɛ wa diewo diande
-
2Ɛk 2:13, 14—L’ɔtɛ wakinde otshudi waki la diewo, nkumekanga Sɔlɔmɔna akakambe la Hirama-Abi l’elimu efula wa wokelo
-
Lande na kahomba ekambi wa Jehowa mbeyama oko as’olimu w’amɛna?
-
Bɛnyɛlɔ dia lo Bible diakoka kokimanyiya:
-
Eta 24:10-21—Rɛbɛka akakambaka olimu efula, nde akasale ndo oleki kɛnɛ kakɔɔlɔmbɛ okambi w’Abrahama
-
Flp 2:19-23—Ɔpɔstɔlɔ Pɔɔlɔ akasha ɔlɔngɔlɔngɔ Timɔte ɛkɛndɛ wa weke l’ɔtɛ wakinde l’okitshakitsha ndo suke dia kambɛ anto akina olimu wa wolo
-
Lande na kasala ekambi wa Nzambi la wolo diaha monga esuwa?
Tok 13:4; 18:9; 21:25, 26; Ond 10:18
-
Ɛnyɛlɔ ka lo Bible kakoka kokimanyiya:
-
Tok 6:6-11—Nkumekanga Sɔlɔmɔna akakambe la y’ɔnɔna dia mbetsha anto dia nkamba olimu la wolo tshɛ ndo mbewɔ monga esuwa
-
Lande na kahombaso nkamba la wolo dia nkotsha ehomba aso?
Lande na kahombaso nkamba la wolo dia kotshɛ ase nkumbo yaso ehomba awɔ?
-
Bɛnyɛlɔ dia lo Bible diakoka kokimanyiya:
-
Rut 1:16, 17; 2:2, 3, 6, 7, 17, 18—Osekaseka wa wadi aki odo Ruta akakambe la wolo dia nkotsha ehomba w’okilo ande Naɔmi
-
Mat 15:4-9—Yeso akaanya wanɛ wɔsa woho wakambɛwɔ Nzambi oko yɛkɛnɛndɛ diaha nkotsha ehomba w’ambutshi
-
Lande na kahombaso nkahana l’anto akina kɛnɛ kakondjaso oma l’olimu aso wa wolo?
Ngande wahombaso mbɔsa falanga yafutamaso oma l’olimu aso wa l’emunyi?
Ngande weyaso dia Jehowa nangaka dia sho monga ase olimu w’eshika ndo dia ndjakotshɛka ehomba aso wa l’emunyi?
Mat 6:25, 30-32; Luk 11:2, 3; 2Kɔ 9:10
-
Bɛnyɛlɔ dia lo Bible diakoka kokimanyiya:
-
Eta 31:3-13—Labana kosalɛ Jakɔbɔ akambo lo yoho ya dimɛna, koko Jehowa akɛnyi woho wakakambaka Jakɔbɔ olimu la wolo tshɛ ndo akɔtshɔkɔla
-
Eta 39:1-6, 20-23—Jehowa akatshɔkɔla olimu wa Yɔsɛfu, oyadi oko ose olimu wa Pɔtifara kana oko ose lokanu
-
Lande na kahahombe olimu aso wa l’emunyi ndeka olimu wakambɛso Nzambi ohomba?
Os 39:5-7; Mat 6:33; Jni 6:27
-
Bɛnyɛlɔ dia lo Bible diakoka kokimanyiya:
-
Luk 12:15-21—Yeso akasha wɛɛla wɛnya dia bu dui dia lomba dia mbetsha diangɔ dia l’emunyi la ntondo k’awui wa lo nyuma
-
1Ti 6:17-19—Ɔpɔstɔlɔ Pɔɔlɔ akahɛmɔla Akristo wa lo nshi yande lo waale wa monga l’otako ndo akaakeketsha dia monga “ɛngɔnyi lo etsha w’ɛlɔlɔ”
-
Naa atɔndɔ wakoka tokimanyiya dia mbetawɔ olimu ɔmɔtshi?
-
Eto 20:4; Ets 15:29; Ɛf 4:28; Ɛny 21:8—Onde olimu ami wayokonya lo nsala dui dimɔtshi diatona Nzambi?
-
Eto 21:22-24; Isa 2:4; 1Kɔ 6:9, 10; 2Kɔ 7:1—Onde olimu akɔ sukɛka kana keketshɛka anto dia nsala dui dimɔtshi diatona Nzambi ko ndjaɛndja onongo?
-
Rɔm 13:1-7; Tit 3:1, 2—Onde olimu akɔ wayonkonya dia nsekola ɛlɛmbɛ w’ewandji wa l’andja ɔnɛ?
-
2Kɔ 6:14-16; Ɛny 18:2, 4—Onde olimu akɔ wayokonya dia ndjatambiya l’ɔtɛmwɛlɔ wa kashi kana mboosukɛ?
Kambɛ Jehowa
Naa olimu woleki tshɛ ohomba wakokaso nkamba?
Lande na kalomɔlomɔso dia ndjasha tshɛ l’olimu wa Jehowa?
Luk 13:24; Rɔm 12:11; 1Kɔ 15:58; Hɛb 6:10-12
Enda ndo lo 1Ti 3:1
Lande na kahatahombe nongamɛ di’anto tshɛ ndjasha woho akɔ waamɛ l’olimu wa Jehowa?
-
Bɛnyɛlɔ dia lo Bible diakoka kokimanyiya:
-
Mat 25:14, 15—Wɛɛla wa Yeso mɛnyaka dia nde halongamɛ di’ambeki ande tshɛ ndjasha woho akɔ waamɛ l’olimu
-
Luk 21:2-4—Yeso akɛnya nɛmɔ di’efula diaki la woshasha wa tshitshɛ wakakimɔ wadi aki odo laki lo dihombo
-
Oma lende akondjaso wolo wa nsala kɛnɛ kalɔmbamaso dia nsala l’olimu wa Jehowa?
2Kɔ 4:7; Ɛf 3:20, 21; Flp 4:13
-
Bɛnyɛlɔ dia lo Bible diakoka kokimanyiya:
-
2Ti 4:17—Ɔpɔstɔlɔ Pɔɔlɔ aketawɔ dia nde akalongola wolo waki lande ohomba etena kakinde l’ohomba awɔ
-
Lande na kongaso l’ɔngɛnɔngɛnɔ etena kayashaso l’etete l’olimu wa Jehowa?
Enda ndo lo Mat 25:23