Talanoa Fakatohitapu mahuʻinga:

• 1 Sām. 16:​16-23—Ko e talavou ko Tēvitá ʻoku ʻiloʻi ia ko ha tokotaha mūsika pōtoʻi, ko ha talēniti ia ʻokú ne ʻai ke ne hoko ʻo ʻaonga ki he tuʻi loto-hohaʻa ʻo ʻIsilelí

• 2 Kal. 2:​13, 14—Koeʻuhi ko e pōtoʻi ʻa Hailame-ʻapi ʻi he nima-meaʻá, naʻá ne hoko ʻo ʻaonga lahi kia Tuʻi Solomone ʻi ha ngāue langa

Talanoa Fakatohitapu mahuʻinga:

• Sēn. 24:​10-21—ʻOku fai ʻe Lepeka maʻá e sevāniti ʻa ʻĒpalahamé ha meʻa lahi ange ia ʻi he meʻa naʻe kole ange ke ne faí, ʻo fakahaaʻi mei ai ha laumālie fietokoni mo faʻa ngāue

• Fil. 2:​19-23—ʻOku ʻoange ʻe he ʻapositolo ko Paulá ki he talavou ko Tīmoté ha vāhenga-ngāue mafatukituki koeʻuhí ko ʻene anga-fakatōkilalo pea loto-lelei ke ngāue mālohi maʻá e niʻihi kehé

Talanoa Fakatohitapu mahuʻinga:

• Pal. 6:​6-11—ʻOku ngāueʻaki ʻe Tuʻi Solomone ʻa e loó ke akoʻi ha ngaahi lēsoni fekauʻaki mo e ngāue mālohí pea fakaʻehiʻehi mei he fakapikopikó

Talanoa Fakatohitapu mahuʻinga:

• Lute 1:​16, 17; 2:​2, 3, 6, 7, 17, 18—Ko e uitou kei siʻi ko Luté ʻokú ne ngāue mālohi ke tokangaʻi ʻene faʻē-ʻi-he-fonó, ʻa Nāomi

• Māt. 15:​4-9—ʻOku fakahalaiaʻi ʻe Sīsū ʻa e faʻahinga ʻoku nau ngāueʻaki ʻa e ngāue ki he ʻOtuá ko ha kalofanga ke ʻoua te nau fai ai honau fatongia ke tokangaʻi ʻenau mātuʻá

Talanoa Fakatohitapu mahuʻinga:

• Sēn. 31:​3-13—Ko Lēpani ʻokú ne fakafeangai taʻetotonu kia Sēkope, ʻa hono foha-ʻi-he-fono pea ko ʻene tokotaha ngāue, ka ʻoku ʻafioʻi ʻe Sihova ʻa e ngāue mālohi ʻa Sēkopé pea ʻokú ne tāpuakiʻi ia

• Sēn. 39:​1-6, 20-23—ʻOku tāpuakiʻi ʻe Sihova ʻa e ngāue ʻa Siosifá, fakatouʻosi ʻi heʻene hoko ko ha pōpula ʻi he fale ʻo Pōtifá pea ʻi hono tuku pilīsone iá

Talanoa Fakatohitapu mahuʻinga:

• Luke 12:​15-21—ʻOku fai ʻe Sīsū ha talanoa fakatātā ke akoʻi mai ai ʻoku fakavalevale ke fakamuʻomuʻa ʻa e ngaahi meʻa fakamatelié ʻi he koloa fakalaumālié

• 1 Tīm. 6:​17-19—ʻOku fakatokanga ʻa e ʻapositolo ko Paulá ki he kau Kalisitiane koloaʻiá fekauʻaki mo e fakatuʻutāmaki ʻo e hīkisiá pea fakalototoʻaʻi kinautolu ke nau “hulu atu ʻi he ngaahi ngāue lelei”

Talanoa Fakatohitapu mahuʻinga:

• Māt. 25:​14, 15—ʻOku fakahaaʻi ʻe he talanoa fakatātā ʻa Sīsuú ʻoku ʻikai ke ne ʻamanekina ke fakahoko ʻe hono kau muimuí kotoa ʻa e ngāue lahi tatau

• Luke 21:​2-4—ʻOku fakahaaʻi anga-lelei ʻe Sīsū ʻa e mahuʻinga lahi ʻo e tokoni siʻisiʻi naʻe fai ʻe he uitou masivá

Talanoa Fakatohitapu mahuʻinga:

• 2 Tīm. 4:17—ʻOku fakahaaʻi ʻe he ʻapositolo ko Paulá naʻá ne maʻu ʻa e mālohi naʻá ne fiemaʻú ʻi he taimi naʻá ne fiemaʻu aí