Ɲanmiɛn sulɛ
?Wan kunngba cɛ yɛ ɔ fata kɛ e su i-ɔ?
Tul 34:14; Mml 5:8-10; Eza 42:8
-
Biblu’n nun ndɛ mɔ be kwla uka e’n:
-
Mat 4:8-10—Satan seli Zezi kɛ sɛ ɔ koto i bo naan ɔ su i’n, ɔ́ fá mɛn’n nun famiɛn diwlɛ’m be kwlaa mɛ́n i. Sanngɛ Zezi kpaloli i, afin ɔ fuali kpa kɛ ɔ́ sú Zoova kunngba cɛ.
-
Ngl 19:9, 10—Anzi kwlafuɛ kun w’a kplinman su kɛ akoto Zan koto i bo su i.
-
?Wafa sɛ yɛ Zoova kunndɛ kɛ e su i-ɔ?
-
Biblu’n nun ndɛ mɔ be kwla uka e’n:
-
Eza 1:10-17—Be nga be faman Zoova i mmla’m be su’n, ɔ sɔman sulɛ nga be su i’n nun.
-
Mat 15:1-11—Zezi kleli kɛ be nga be jran klɔ sran’m be mmla’n su be su Zoova’n, Zoova sɔman be sulɛ nga be su i’n nun.
-
?Sɛ e ɲɛn i wun atin’n, e nin wan mun yɛ ɔ fata kɛ e su Zoova-ɔ?
Nian Ju 133:1-3 nun wie.
-
Biblu’n nun ndɛ mɔ be kwla uka e’n:
-
Yol 2:40-42—Klisifuɛ klikli’m be yiali likawlɛ be srɛli Ɲanmiɛn, be suli Ɲanmiɛn likawlɛ, yɛ be suannin Ɲanmiɛn Ndɛ’n i nun like likawlɛ wie.
-
1Ko 14:26-40—Akoto Pɔlu seli Klisifuɛ’m be kɛ, kɛ bé yó aɲia’n, nán maan ɔ yo sukusuku yɛ be wla be wiengu fanngan. I liɛ’n, be kwlaa bé wún ndɛ nga be kɛn i lɔ’n i wlɛ kpa.
-
?Sɛ e kunndɛ kɛ Zoova i klun jɔ sulɛ nga e su i’n su’n, ngue yɛ ɔ fata kɛ e yo-ɔ?
-
Biblu’n nun ndɛ mɔ be kwla uka e’n:
-
Ebr 11:6—Akoto Pɔlu kleli kɛ sɛ e kunndɛ kɛ Zoova i klun jɔ sulɛ nga e su i’n su’n, ɔ fata kɛ e lafi i su.
-
Zak 2:14-17, 24-26—Zaki m’ɔ ti Zezi i niaan bian’n ɔ seli kɛ ɔ fata kɛ e yi e Ɲanmiɛn sulafilɛ’n i nglo ninnge nga e yo be’n be nun.
-