Bulapeli
Ki mañi anosi yeluswanela kulapela?
Exo. 34:14; Deut. 5:8-10; Isa. 42:8
-
Mitala ya mwa Bibele yekona kulutusa:
-
Mat. 4:8-10—Satani usepisa kufa Jesu mibuso kaufela ya lifasi haiba amulapela feela hañwi; Jesu uhana kueza za mubulelela Satani, uikatulezi kulapela feela Jehova
-
Sin. 19:9, 10—Lingeloi lelimaata lihana kulapelwa ki muapositola Joani
-
Jehova ubata kuli lumulapele cwañi?
-
Mitala ya mwa Bibele yekona kulutusa:
-
Isa. 1:10-17—Jehova uhana ni kutoya bulapeli bwa baipi babahana kupila ka likuka zahae
-
Mat. 15:1-11—Jesu ubonisa kuli Jehova haamuheli bulapeli bwa fahalimu feela, bobubeya litaelo za batu fahalimwaa milao ya Mulimu
-
Ki bo mañi beluswanela kulapela hamoho Jehova ni bona, fokukonahalela kaufela?
Mubone ni Samu 133:1-3
-
Mitala ya mwa Bibele yekona kulutusa:
-
Lik. 2:40-42—Mwa linako za baapositola, Bakreste nebakopananga hamoho kulapela, kueza siango, ni kuituta lituto zesusumelizwe ki moya okenile
-
1 Makor. 14:26-40—Muapositola Paulusi ufa ketelelo ya kuli mikopano ya puteho iezwe ka swanelo mi ibe yesusueza kuli batu kaufela bakone kuituta ni kuutwisisa zelutiwa
-
Ki lika mañi zeluswanela kueza kuli bulapeli bwaluna buamuhelwe ki Jehova?
Mat. 7:21-24; 1 Joa. 2:17; 5:3
-
Mitala ya mwa Bibele yekona kulutusa:
-
Maheb. 11:6—Muapositola Paulusi utalusa kuli lutokwa kuba ni tumelo haiba lubata kulapela Jehova ka nzila yeswanela
-
Jak. 2:14-17, 24-26—Jakobo, munyanaa Jesu, ulutaluseza kuli tumelo yaluna iswanela kuzamaelela ni misebezi; tumelo yaluna ilususueza kuunga muhato
-