Kulemesa
Iya kaha twatela kulemesa?
Klo 34:14; Lus 5:8-10; Isa 42:8
Mijimbu yamuMbimbiliya yize nayimikafwa:
Mat 4:8-10—Satana alwezele Yesu ngwenyi mwamuhana mawangana osena ahamavu kachi nge mwalifukula kuli ikiye, oloze Yesu akanyine nakufwila kulemesa kaha Yehova
Kus 19:9, 10—Kangelo akanyishile kaposetolo Yowano kulifukula kuli ikiye
Uno Yehova asaka tumulemesenga ngachilihi?
Mijimbu yamuMbimbiliya yize nayimikafwa:
Isa 1:10-17—Yehova eji kukananga kulemesa chakulyonga chavatu vaze kavayoya kweseka najishimbi jenyi
Mat 15:1-11—Yesu asolwele hatoma ngwenyi Yehova kasaka kulemesa chetu chizame havisemwa vyavatuko, oloze shina hajishimbi jaYehova
Veya twatela kulemesela navo hamwe Yehova nge chinahase?
Talenu nawa Ji 133:1-3
Mijimbu yamuMbimbiliya yize nayimikafwa:
Vil 2:40-42—Mulikulukaji lyamyaka lyakulinga, vaka-Kulishitu valikungulwilenga nakulombela hamwe, nakulikata umwe namukwavo, nakulinangwila hamwe hakuvatwaminyina nashipilitu yajila
1Ko 14:26-40—Kaposetolo Paulu ambile ngwenyi, kukunguluka chavaka-Kulishitu chatela kupwa chakulongesa kanawa, kaha nawa chize nachikolezeza vatu vosena mangana valinangule kuvyuma kana nakuvivwishisa kanawa
Vyuma muka twatela kulinga mangana Yehova etavile kulemesa chetu?
Mijimbu yamuMbimbiliya yize nayimikafwa:
Hep 11:6—Kaposetolo Paulu ambile ngwenyi twatela kupwa nalufwelelo hakusaka mangana Yehova etavile kulemesa chetu
Yak 2:14-17, 24-26—NdumbwaYesu Yakova alumbunwine ngwenyi, lufwelelo lwetu lwatela kusoloka muvilinga, shikaho vilinga vyetu vyatela kutusolola nge tukwechi lufwelelo