Lamo Nyasaye
En ng’ano kende monego walam?
Wuo 34:14; Rap 5:8-10; Isa 42:8
Ndiko motudore gi wachno:
Mat 4:8-10—Satan noyie miyo Yesu pinjeruodhi duto mag piny, ka Yesu ne nyalo yie goyo chonge piny mondo olame; Yesu notamore timo kamano kendo nodwaro mana lamo Jehova kende
Fwe 19:9, 10—Malaika moro ma nigi teko notamore yie mondo jaote Johana olame
Jehova dwaro ni walame e yo mane?
Ndiko motudore gi wachno:
Isa 1:10-17—Jehova ok oyie gi joma wuondore ni lame to konchiel gitamore dak kaluwore gi chikene
Mat 15:1-11—Weche ma ne Yesu owacho nyiso ni Jehova ok dwar ni walame kaluwore gi puonj mag dhano, to odwaro ni watim kamano kaluwore gi chike Jehova
Ka nyalore, gin jomage monego walamgo Jehova?
Ne bende Za 133:1-3
Ndiko motudore gi wachno:
Tic 2:40-42—Jokristo mokwongo ne chokorega mondo gilem, gibed kanyachiel, kendo gipuonjre weche moa kuom Nyasaye
1Ko 14:26-40—Jaote Paulo nochiko ni chokruoge mag kanyakla onego otim e yo mochanore kendo e yo ma jiwo ji mondo ng’ato ka ng’ato oyud puonj
Ang’o monego watim mondo Jehova oyie gi lamowa?
Ndiko motudore gi wachno:
Hib 11:6—Jaote Paulo ne olero ni ka wadwaro ni Jehova oyie gi lamowa, nyaka wabed gi yie
Jak 2:14-17, 24-26—Jakobo ma ne en owadgi Yesu, nolero ni nyaka wanyis yie kokalo kuom tim; yiewa chwalowa mondo watim gik ma wapuonjore