Adorashon
Ken ta e úniko Persona ku nos mester adorá?
Éks 34:14; Deu 5:8-10; Isa 42:8
Ehèmpel di Beibel:
Mat 4:8-10—Satanas a bisa Hesus ku lo el a dun’é tur e reinonan di mundu si Hesus lo a ador’é. Pero Hesus a rechasá Satanas su oferta; e tabata determiná pa adorá Yehova so
Rev 19:9, 10—Un angel poderoso a nenga pa Apòstel Huan ador’é
Kon Yehova ke pa nos ador’é?
Ehèmpel di Beibel:
Isa 1:10-17—Yehova no ta aseptá ni aprobá adorashon di hende ku ta skohe pa no obedes’é
Mat 15:1-11—Hesus a mustra ku nos adorashon na Yehova mester ta basá riba e leinan di Dios i no riba tradishon di hende
Dikon nos tin ku probechá di tur oportunidat ku nos tin pa adorá Yehova huntu ku nos rumannan?
Wak tambe Sl 133:1-3
Ehèmpel di Beibel:
Ech 2:40-42—E kristiannan di promé siglo a bini huntu pa hasi orashon, pa pasa tempu ku otro i pa studia siñansa inspirá pa spiritu santu
1Ko 14:26-40—Apòstel Pablo a bisa ku e reunionnan di kongregashon mester kana na un manera ordená i ku e reunionnan mester ta animante. Asina, tur hende presente por siña i komprondé loke ta ser siñá
Kiko nos mester hasi pa Yehova aseptá nos adorashon?
Ehèmpel di Beibel:
Heb 11:6—Apòstel Pablo a splika ku nos mester tin fe si nos ke adorá Yehova na un manera ku ta agrad’é
Snt 2:14-17, 24-26—Santiago, Hesus su ruman hòmber parti di mama, a splika ku nos fe mester ta kompañá pa obra. Ku otro palabra, nos fe mester motivá nos na akshon