Aunbädunk
Wäa es de Eensja, waut daut vedeent, daut wie am aunbäden un deenen?
2Mo 34:14; 5Mo 5:8-10; Jes 42:8
Biespels ut de Schreft:
Mat 4:8-10 – De Soton bood Jesus aule Kjennichrikjs oppe Ieed aun, wan hee am bloos een Mol wudd aunbäden; oba Jesus deed daut nich, wiels hee daut gaunz kloa haud, daut hee bloos Jehowa aunbäden wudd.
Opb 19:9-10 – Een majchtja Enjel leet daut nich, daut de Apostel Johanes am aunbäden deed.
Woo well Jehowa, daut wie am sellen aunbäden?
Biespels ut de Schreft:
Jes 1:10-17 – Jehowa neem dän Deenst nich aun von soone, waut väajeewen, am to deenen, oba am nich jehorchen wullen; hee jleicht daut nuscht.
Mat 15:1-11 – Jesus wees, daut Jehowa soonen Gottesdeenst nich jleicht, waut sikj dolla opp Menschen-Jebooten stett aus opp Gott siene Jesazen.
Met wäm toop sell wie Jehowa aunbäden, wanemma daut mäajlich es?
See uk Ps 133:1-3
Biespels ut de Schreft:
Apj 2:40-42 – De ieeschte Christen kjeemen foaken toop; dee deeden uk toop bäden un de Lieren studieren, waut vom heiljen Jeist enjejäft worden.
1Ko 14:26-40 – De Apostel Paulus jeef Aunwiesungen, daut et bie de Toopkomes kunn ordentlich toogonen un daut aula kunnen Moot kjrieen; doaderch wudden aula waut lieren un daut uk vestonen kjennen.
Waut mott wie doonen, om secha to moaken, daut wie Jehowa soo aunbäden, daut hee daut aunnämen kaun?
Mat 7:21-24; 1Jo 2:17; 5:3
Biespels ut de Schreft:
Heb 11:6 – De Apostel Paulus sajcht, daut Jehowa daut nich aunnämen kaun, wan wie am onen Gloowen deenen.
Jak 2:14-17, 24-26 – Jesus sien Haulfbrooda Jakobus sajcht, daut Gloowen mott Woakjen haben; ons Gloowen brinjt ons bat doa, waut to doonen.
Veleicht jleichst du uk dit
WAUT SAJCHT DE SCHREFT ÄWA ...?
Mott eena to eene Jemeent jehieren?
Kaun een Mensch Gott bloos fa sikj selfst deenen?
WICHTJE BIBLISCHE LIEREN
Es Gott daut endoont, waut von Gloowen wie haben?
Väl Menschen jleewen daut es krakjt endoont bie waut von Gloowen eena biejeit.
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.
