Kusopa
Kumbi ndiyani pe yo tikhumbika kumusopa?
Eki. 34:14; Doto. 5:8-10; Yesa. 42:8
-
Vakuwoniyapu va mu Bayibolu vo vingakuwovyani:
-
Mate. 4:8-10—Satana wangulongo Yesu maufumu ngosi nga pacharu chapasi ndi kumukambiya kuti wamupasengi maufumu ngenanga asani wangamusopa. Kweni Yesu wangukana ndipu wangumukambiya mwakusimikiza kuti ndi Yehova pe yo titenere kumusopa
-
Chivu. 19:9, 10—Mungelu munyaki wanthazi wangumukaniza wakutumika Yohane kuti wangamusopanga cha
-
Kumbi Yehova wakhumba kuti timusopengi wuli?
-
Vakuwoniyapu va mu Bayibolu vo vingakuwovyani:
-
Yesa. 1:10-17—Yehova watinkha ŵanthu wo atimusopa mwachinyengu ndipuso wo akana kulondo marangu ngaki
-
Mate. 15:1-11—Yesu walongo kuti Yehova watiŵakhumba cha ŵanthu wo atimusopa mwamwambu waka, wo atumbika ukongwa marangu nga ŵanthu mumalu mwa marangu ngaku Chiuta
-
Kumbi tikhumbika kuyesesa kusopa Yehova limoza ndi ayani?
Wonani so Salimo 133:1-3
-
Vakuwoniyapu va mu Bayibolu vo vingakuwovyani:
-
Machi. 2:40-42—Mu nyengu ya akutumika, Akhristu awungananga pamoza kuti apempheri, achezengi ndi anyawu ndipuso kuti asambirengi vinthu vakukwaskana ndi Yehova mwakulongozgeka ndi mzimu wakupaturika
-
1 Akori. 14:26-40—Wakutumika Paulo wangukamba kuti vinthu vitenere kuchitika mwandondomeku mumpingu ndipuso vijengi vakuchiska kuti weyosi wasambirengi ndi kuvwisa vo visambizika mumpingu
-
Kumbi titenere kuchitanji kuti Yehova wakondwengi ndi kusopa kwidu?
Mate. 7:21-24; 1 Yoha. 2:17; 5:3
-
Vakuwoniyapu va mu Bayibolu vo vingakuwovyani:
-
Ahe. 11:6—Wakutumika Paulo wangukamba kuti tikhumbika kuja ndi chivwanu chakukho kuti kusopa kwidu kuje kwakuzomerezgeka kwaku Yehova
-
Yako. 2:14-17, 24-26—Yakobe, mvurwa waku Yesu wangukamba kuti chivwanu chidu chitenere so kuja ndi ntchitu zaki, chivwanu chititichiska kuti tichitengepu kanthu
-
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi Mphakwenere Kuja Muchisopa?
Kumbi munthu wangasopa Chiuta pakuyija?
YESU NDI NTHOWA, UNENESKA NDI UMOYU
Vo Yesu Wanguchita Wati Wakumana ndi Mayeseru
Mayeseru ngo Yesu wangukumana nangu ngalongo fundu zikuluzikulu ziŵi zakukwaskana ndi Dyaboli.
ESSENTIAL BIBLE TEACHINGS
Kumbi Chiuta Wazomereza Kusopa Kwa Mtundu Wewosi?
Ŵanthu anandi akamba kuti palivi suzgu kuja muchisopa chechosi.
VAKUKWASKANA NDI ISI
Pemphani Kuti Musambirengi Bayibolu
Kambiskanani fumbu la mu Bayibolu pamwenga ziŵani vinandi vakukwaskana ndi Akaboni aku Yehova.
