Sjejelik wa xbʼobʼ skoltayotik:

• Mt 4:​8-10. Ja Satanás skʼapayi ja Jesús yibʼanal ja gobyernoʼik ja bʼa luʼumkʼinali ta toyji jun ita ekʼele; pe ja Jesús puesto ajyi bʼa jaʼitani stoyo ja Jyoba sok ja yuj mi skʼulan aseptar.

• Ap 19:​9, 10. Jun anjel bʼa jel ja yipi mini skʼana atoyjuk yuja jekabʼanum Juani.

 Sjejelik wa xbʼobʼ skoltayotik:

• Is 1:​10-17. Ja Jyoba mi lek xyila sok mi skʼulan aseptar ja toyjelal mi meranuk sbʼaja matik mi skʼanawe oj skʼuʼuke ja jastik yaʼunej kujlajuki.

• Mt 15:​1-11. Ja Jesús xchiktes ke ja Jyoba mi skʼulan aseptar ja toyjelal ti jakel bʼa kostumbreʼik sok mi jachukuk wa xyala ja sleyiki.

Sjejelik wa xbʼobʼ skoltayotik:

• Hch 2:​40-42. Ja bʼa bʼajtan siglo, ja snochumanik Kristo stsomo sbʼaje bʼa yajelyi orasyon, yawe ekʼ tyempo lajan sok spaklaye ja sjejelik tojubʼal yuja yip ja Dyosi.

• 1Co 14:​26-40. Ja jekabʼanum Pablo xchiktes ke bʼa oj nebʼtik sok oj kabʼtik stojol ja jas wa xjexi ja bʼa kongregasyoni, ja reunioniki tʼilani chapan lek oj ajyuk sok oj tsatsankʼujolanuk.

Sjejelik wa xbʼobʼ skoltayotik:

• Heb 11:6. Ja jekabʼanum Pablo xcholo ke bʼa lek oj yil ja Jyoba ja jastal wa xtoyotiki, jelni tʼilan oj ajyukujtik skʼuʼajel.

• Snt 2:​14-17, 24-26. Ja Santiago, ja majan yermano ja Jesús, xcholo ke ja skʼuʼajeli tʼilani oj sjeʼ soka jastik wa xkʼulaxi; ja skʼuʼajeli jani oj snikotik bʼa ay jas oj kʼulaxuk.