Ol eksampel long Baibel:

• Mt 4:​8-10—Satan i tokim Jisas olsem em bai givim em olgeta kingdom bilong graun sapos Jisas i brukim skru na lotuim em, tasol Jisas i sakim dispela traim na em i tingting strong long lotuim Jehova wanpela tasol

• Re 19:​9, 10—Wanpela strongpela ensel i no orait long aposel Jon i brukim skru na lotu long em

Ol eksampel long Baibel:

• Ai 1:​10-17—Jehova i no save orait long lotu bilong ol man em ol i giaman long lotuim em na ol i no save bihainim stret ol lo bilong em

• Mt 15:​1-11—Tok bilong Jisas i soim olsem Jehova i no laik bai yumi bihainim olkain kastam bilong lotu em ol man i kamapim bilong mekim lotu, sapos yumi bihainim ol dispela kastam, i olsem yumi putim lo bilong ol man i stap antap moa winim lo bilong God

Ol eksampel long Baibel:

• Ap 2:​40-42—Long taim bilong ol aposel, ol Kristen i save bung wantaim bilong beten, kaikai wantaim, na stadi long ol tok em holi spirit i bin kirapim ol man long raitim

• 1Ko 14:​26-40—Aposel Pol i tok long ol i mas oganaisim gut ol miting bilong kongrigesen na bai dispela i ken strongim olgeta na ol i ken lain na kliagut long ol tok ol i harim

Ol eksampel long Baibel:

• Hi 11:6—Aposel Pol i tok bilip em i bikpela samting sapos yumi laik bai Jehova i orait long lotu bilong yumi

• Jem 2:​14-17, 24-26—Jems em hap brata bilong Jisas, em i stori olsem bilip i mas kirapim yumi long mekim ol gutpela wok