Ovolandu Embimbiliya a kuete esilivilo lialua:

• Mat 4:8-10—Satana wa eca ku Yesu ovosoma osi oluali oco Yesu o fendele, pole, Yesu wa likala ombanjaile yaco, poku nõlapo oku fendela lika Yehova.

• Esi 19:9, 10—Ungelo umue ukuonene wa likala oku fendeliwa la Yoano.

Ovolandu Embimbiliya a kuete esilivilo lialua:

• Isa 1:10-17—Yehova o likala kuenda ka tava efendelo liomanu vana ka va pokola kolonumbi viaye.

• Mat 15:1-11—Yesu wa lekisa okuti Yehova ka tava okuti efendelo lietu li kunamela koviholo viomanu, pole, li sukila oku kunamela kovihandeleko via Suku.

Ovolandu Embimbiliya a kuete esilivilo lialua:

• Ovl 2:40-42—Akristão vokocita catete, va enda oku liongoluila pamosi oco va likutilile, oku kala pamosi kuenda oku lilongisila kumosi ovisonehua.

• 1Ko 14:26-40—Upostolo Paulu wa popia okuti, olohongele viekongelo vi sukila oku lingiwa lonjila yimue ya sokiyiwa ciwa haiyo yi pamisa oco okuti, vosi va tẽla oku lilongisa loku kuata elomboloko liovina vi kasi oku longisiwa.

 Ovolandu Embimbiliya a kuete esilivilo lialua:

• Hev 11:6—Upostolo Paulo wa popia okuti tu sukila oku kuata ekolelo nda tu yongola okuti, efendelo lietu li taviwa la Yehova.

• Tia 2:14-17, 24-26—Tiago manji a Yesu wa popia okuti, ekolelo lietu li sukila oku kuamiwa lovilinga.