Kumtumichila Mlungu
Ana ni ŵani ŵatukusosekwa kwatumichilaga?
Eks 34:14; De 5:8-10; Yes 42:8
-
Ngani syakwe m’Baibulo:
-
Mat 4:8-10—Satana jwasasile kuti champe Yesu mauchimwene gosope ga pachilambo chapasi ni chakulinga chakuti amtumichile jwalakwe nambo Yesu jwakwanile mwamti jwasimichisye yakumtumichila Yehofa jika basi
-
Chw 19:9, 10—Lilayika lyamachili lyakanile kutumichilidwa ni ndumetume Yohane
-
Ana Yehofa akusasaka kuti tumtumichileje mwamtuli?
-
Ngani syakwe m’Baibulo:
-
Yes 1:10-17—Yehofa ngakusiŵajitichisya ŵandu ŵakusamtumichila jwalakwe nambo ali ngakukuya malamusi gakwe
-
Mat 15:1-11—Maloŵe ga Yesu gakulosya kuti Yehofa ngakusasaka kuti tumtumichileje mwakulongoleledwa ni ndamo syetu mmalo mwakukuya malamusi gakwe
-
Naga yili yakomboleka, ana tukusosekwa kumtumichilaga Yehofa tuli ni ŵani?
Alolesoni Sal 133:1-3
-
Ngani syakwe m’Baibulo:
-
Mas 2:40-42—Aklistu ŵa mu yaka 100 yandanda ŵasonganaga pampepe kuti apopele, kutendela yindu yine yalumo soni kulijiganya Maloŵe ga Mlungu
-
1Ak 14:26-40—Ndumetume Paulo jwasasile kuti misongano ja mpingo jitendekweje mwadongosolo son jiŵeje jakulimbikasya kuti wosope akomboleje kulijiganya soni kupikanichisya yayikwiganyidwayo
-
Ana tukusosekwa kutenda chichi kuti Yehofa ajitichisyeje kumtumichila kwetu?
-
Ngani syakwe m’Baibulo:
-
Ahe 11:6—Ndumetume Paulo jwasasile kuti chikulupi chili chakusosekwa naga tukusaka kuti Yehofa ajitichisye kumtumichila kwetu
-
Yak 2:14-17, 24-26—Yakobo, m’balegwe jwa Yesu, jwasasile kuti chikulupi chikusosekwa kukolaga masengo gakwe; tukusosekwa kulosyaga masengo ga chikulupi chetu
-