Inyu tibil ôt nseñ ni gwigil bini
Nnigil ni nkena yigil: Bat i mut a nti we kaat ini le a niiga we Bibel, tole kee i site yés, jw.org.
LIBOÑ LI BISU
Añ hiki liben, añ mambadga ma ma gwé minsonol (A) añ yak bipes bi Bibel (B) bi bi ñéba balôm ba matode. Añ bipes bi bikaat het i yé ntilga le “añ.”
LIBOÑ LI NOÑ
Minlôñ mi bisu mi pes ini le (C) Kônde tém, mi ñunda i yom d’a wan. Hiki ño nkwel (D) u ga toñol ngim litode li tôbôtôbô. Añ bipes bi bikaat, timbhe mambadga, béñge bividéô (E).
Béñge bititii, u soñgol matila ma yé isi hiki titii (F), u hégda ki lelaa u nla timbhe mbadga i yé munu homa nunu le Bôt bape ba nkal le (G).
LIBOÑ LI NSÔK
Bipes bini le I sem kwep ni Mambadga ma mbigda (H) Bi ntiimba balôm ba matode ba yigil. Tila hilo u mal yigil. I pes ini le Jam u nla boñ (I) i nti we pôla i yônôs ngim njômbi. I pes ini le Kônde yéñ (J) i ñéba we mam mape u nla añ, ni bividéô u nla béñge inyu tibil nok yigil.
Leba bipes bi kaat ikété Bibel yoñ
Ngéda ba nsima ngim nlôñ u Bibel, buk bisu i yé jôl li kaat (A), nomba i noñ jôl i yé pes (B), nomba i nsôk i yé nlôñ tole minlôñ (C). Kiki ’héga, Yôhanes 17:3 a nkobla le: Kaat Yôhanes, pes 17, nlôñ 3.
Yak ini i nla lémél we
MAMBADGA BÔT BA MBÉNA BAT
Lelaa Mbôgi Yéhôva i ntégbaha bôt yigil i Bibel?
Mbôgi Yéhôva i nla hôla we i nigil Bibel ibabé i saa; yigil i ntagbe kiki nkwel ipôla bôt iba, u nla ki gwélél to imbe ngobol i Bibel. U kon bañ woñi i naña lihaa joñ jolisôna tole mawanda moñ.
