Wafa nga a kwla ɲan Biblu’n nun like suanlɛ nga su ye kpa’n
Se Zoova i Lalofuɛ kun kɛ ɔ kle ɔ like: A kwla se sran ng’ɔ fali fluwa nga mannin wɔ’n kɛ ɔ kle ɔ Biblu’n nun like. Annzɛ a kwla klɛ ɔ dunman e ɛntɛnɛti adrɛsi, jw.org su naan be w’a kle ɔ like.
I BUE KLIKLI’N
Kanngan ndɛ kpɔlɛ’m be kwlaa be nun. Yɛ kosan nga be o ble tuun nun’n (A) ɔ nin ndɛ mma nga be yiyi ndɛ cinnjin’m be nun’n (B) kanngan be nun wie. Asa ekun’n, ɔ fata kɛ a kanngan ndɛ mma nga be klɛli be wun lɛ kɛ kanngan nun’n be nun.
I AFIƐN’N
Ndɛ klikli (C) ng’ɔ o ndɛ akpasua nga be flɛ i kɛ Si ndɛ’n nun kpa ekun i bo lɛ’n, ɔ bo ndɛ nga bé wá yíyí nun’n su. Ndɛ ce mun (D) be bo ndɛ cinnjin’m be su. Kanngan ndɛ mma’m be nun, tɛ kosan’m be su, yɛ nian video mun (E).
Fa ɔ ɲin sie i foto nin be bo lɛ ndɛ mun (F) be su. Ndɛ kun o ndɛ ja nga be flɛ i kɛ Sran wie’m be waan (G) i wun lɛ. Bu wafa nga a kwla tɛ su’n i akunndan.
I BUE KASIƐN’N
Ndɛ’n i kpɔlɛ bolɛ nin Ndɛ’n i nun flanlɛ (I) be gua like suanlɛ’n i bo. Klɛ cɛn nga like suanlɛ’n wieli’n. Ndɛ ce nga be flɛ i Like ng’ɔ fata kɛ a yo’n (J) i bo lɛ’n, be kle ɔ like nga a kwla yo naan w’a suan like titi’n naan kusu’n w’a di like nga a suan su’n. Ndɛ wie mun ekun (K) i bo lɛ’n, video nin ndɛ uflɛ wie’m be o lɛ mɔ a kwla fa be uka ɔ wun-ɔn.
Wafa nga a kwla wun Biblu’n nun ndɛ mma mun’n
Like klikli nga a wun i’n yɛle Biblu’n nun fluwa’n (A) i dunman’n. Nimielo ng’ɔ mantan fluwa’n i dunman’n yɛle ndɛ tre’n (B). Kpɛkun nimielo kasiɛn’n yɛle ndɛ mma’n (C). Sɛ a wun Zan 17:3 nn Zan fluwa’n, i ndɛ tre 17, i ndɛ mma 3 i ndɛ yɛ be kan-ɔn.
Ninnge wie mɔ be kwla yo ɔ fɛ ekun'n
KOSAN NGA SRAN’M BE TA BE USA’N
?Ngue yɛle Biblu’n nun like mɔ Zoova i Lalofuɛ’m be nin sran’m be suan’n?
A kwla fa Biblu’n nga a klo’n naan Zoova i Lalofuɛ kun w’a kle ɔ like. Ɔ osufuɛ mun nin ɔ janvuɛ’m be kwla tran like suanlɛ’n i bo wie. Be deman sika.
