Cara gelah melala datndu gunana sanga erlajar Pustaka si Badia arah brosur enda
Erlajarlah ras sekalak Saksi Jahwe: Pindolah man kalak si mereken brosur enda man bandu gelah sampatina kam erlajar Pustaka si Badia, ntah pe masukken permohonen guna erlajar Pustaka si Badia bas situs web kami jw.org.
BAGIN AWAL
Bacalah tiap paragrap, termasuk penungkunen (A) ras ayat (B) si icetak tebal si jadi intina. Ayat-ayat si lit kata “baca” ras “bacalah” pe perlu ibaca.
BAGIN TENGAH
Keterangen pembuka (C) bas Pelajari Terbagesen, njelasken kai si nandangi ibahas. Subjudul (D) eme pokok-pokok utama si nandangi ibahas. Bacalah kerina ayatna, jawaplah kerina penungkunenna, ras tontonlah kerina videona (E).
Perdiatekenlah kerina gambar ras keterangen gambarna (F), janah cuba ukurindu uga cara njawap bagin Lit si Ngataken (G).
BAGIN PENDUNGI
Bagin pendungi pelajaren e eme Kesimpulen Pelajaren Enda ras Kai si Enggo Sipelajari? (H). Catatlah tanggal piga pelajaren e dung ibahas. Bagin Cuba Lakoken Enda (I) eme bagin si perlu lakokenndu. Bagin Darami Terbuen (J) eme keterangen tambahen si banci bacandu ntah pe tontonndu.
Cara ndarami ayat bas Pustaka si Badia
Bagin (A) eme gelar buku bas Pustaka si Badia, bagin (B) eme pasal, janah bagin (C) eme ayat. Contohna, Johanes 17:3 maksudna buku Johanes, pasal 17, ayat 3.
