Wat da di bes way fi stodi dehnya Baibl lesn?
Stodi dis poblikayshan wid wan a Jehoava Witnisiz: Yu ku aks fi wahn Baibl stodi fahn di persn weh gi yu dis broashoar, er yu ku ful owt di rikwes faam pahn wi websait, jw.org.
FERS SEKSHAN
Reed eech paragraaf. Dehn ga kweschanz (A) ahn skripchaz (B) weh deh eena boal weh bring owt di mayn aidyaaz. Reed di skripchaz weh seh “reed.”
SEKANT SEKSHAN
Di fers paragraaf (C) eena di Saach fi Moa sekshan eksplayn weh wahn geh diskos eena dis sekshan. Di sobhedin dehn eena boal (D) inchrojoos di mayn aidyaa dehn. Reed di skripcha dehn, ansa di kweschan dehn, ahn wach di veedyo dehn (E).
Luk pahn di pichaz ahn reed di kyapshan weh eksplayn di pichaz (F), ahn tink bowt how fi ansa di Weh Yu Wuda Seh if Sohnbadi Tel Yu (G) sekshan.
TERD SEKSHAN
Di lesn en aaf wid di Weh Wi Laan? ahn Mek Wi Rivyoo (H) sekshan dehn. Rait dong di dayt wen yu finish di lesn. Eena di Weh Ah Ku Werk Pan (I) sekshan, yu wahn si sohn goalz weh yu ku werk pan soh dat yu ku kantinyu laan ahn yooz weh yu laan eena yu laif. Di Fain Owt Moa (J) sekshan gat een adishanal infamayshan weh yu ku reed er wach if yu waahn laan moa.
How yu ku fain di skripcha dehn eena di Baibl?
Yu ku fain di skripcha dehn if yu luk op di naym a di Baibl buk (A), di chapta nomba (B), ahn di vers nomba (C). Fi egzampl, yu ku fain Jan 17:3 if yu luk op di buk a Jan, chapta 17, ahn vers 3.
