¿Achkë ütz naʼän rchë kʼo xtatamaj qa taq xtatjoj awiʼ chrij re wuj reʼ?
Tatjoj awiʼ chrij re wuj reʼ rkʼë rutoʼik jun winäq. Rchë naʼän riʼ, taʼij che rä ri winäq ri xyaʼö qa re folleto reʼ chawä chë katurtjoj chrij le Biblia o takʼutuj äl atoʼik pa qa-sitio rchë Internet, jw.org.
NAʼÄY PERAJ
Taskʼij kiwäch jontir ri peraj. Ri kʼutunïk ri kʼo pä jun número chkixkïn (A) chqä ri textos ri ye kʼo pä pa qʼäq (B) nkikʼüt ri naʼoj ri kʼo más kejqalen. Tatzʼetaʼ chë chkixkïn pä jojun textos kʼo pä ri tzij «Taskʼij ruwäch» o «Tiskʼij ruwäch», reʼ ntel chë tzij chë kʼo chë nskʼïx kiwäch ri textos riʼ.
RUKAʼN PERAJ
Ri naʼäy peraj ri kʼo chpan ri peraj «Tqatamaj más chrij re naʼoj reʼ» nuqʼalajsaj ri xttzʼet chpan ri peraj riʼ (C). Ri ruqʼaʼ ri tjonïk ri kʼo pä jun número chkixkïn nkikʼüt achkë naʼoj kʼo más kejqalen (D). Taskʼij kiwäch ri textos, keʼaqʼalajsaj ri kʼutunïk y keʼatzʼetaʼ ri videos (E).
Tanukʼuj kij ri achbʼäl chqä ri tzij ri rukʼwan riʼ kikʼë (F), y tachʼobʼoʼ achkë ta komä xtaʼij rït chpan ri peraj «Jojun winäq nkiʼij reʼ» (G).
ROX PERAJ
Ri tjonïk yekʼis rkʼë ri peraj «Ri xqatamaj qa» y rkʼë ri peraj «Tqakamluj ri xqatzʼët qa» (H). Tatzʼibʼaj qa ri qʼij ri xakʼïs ri tjonïk. Chpan ri recuadro «Ütz naʼän reʼ» xtyaʼöx jojun naʼoj chawä ri xkaturtoʼ rchë xtasmajij ri xtatamaj (I). Chpan ri peraj «Rchë natamaj más» xtawïl nkʼaj chik naʼoj chqä videos ri xtkʼatzin chawä (J).
¿Achkë rubʼanik nawïl textos chpan le Biblia?
Taq xtatzʼët jun texto bíblico xtatzʼët chë kʼo pä rubʼiʼ ri libro (A), ri capítulo (B), chqä ri versículo o ri versículos (C). Jun tzʼetbʼäl, Juan 17:3 nrajoʼ nuʼij reʼ: «ri libro rchë Juan, capítulo 17, versículo 3».
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
