Ri rubʼanik nqakusaj re wuj reʼ richin nukʼäm pe utzil pa qawiʼ
Tatijoj awiʼ chi rij re wuj reʼ rikʼin rutoʼik jun tijonel. Ütz nakʼutuj jun atijonïk chi rij ri Biblia chi re ri winäq ri xyaʼon re wuj reʼ chawe o takʼutuj ri atijonïk pa qa-sitio de internet, jw.org.
NABʼEY PERAJ
Tasikʼij ronojel ri párrafos. E kʼo kʼutunïk e ajlan (A) chuqaʼ textos ri e bʼanon kan rikʼin qʼëq (B) ri nkikʼüt ri naʼoj ri kʼo más kejqalem. Tatzʼetaʼ chi e kʼo jujun textos akuchi nubʼij chi kʼo chi nsikʼïx.
RUKAʼN PERAJ
Ri nabʼey párrafo chi re ri peraj «Tqanikʼoj rij» nuqʼalajrisaj ri kʼo pe chuxeʼ qa (C). Ri ruqʼaʼ ri tanaj ri e ajlan nkibʼij achike ri naʼoj ri kʼo más kejqalem (D). Keʼasikʼij ri textos, keʼaqʼalajrisaj ri kʼutunïk chuqaʼ keʼatzʼetaʼ ri videos (E).
Keʼatzʼetaʼ ri wachibʼäl chuqaʼ ri naʼoj e kikʼamon pe (F), chuqaʼ tachʼobʼoʼ achike rubʼanik xtaqʼalajrisaj ri peraj «E kʼo jujun nkibʼij reʼ» (G).
ROX PERAJ
Ronojel ri tanaj yekʼis rikʼin ri peraj «Tqakamuluj» chuqaʼ «Ri xawetamaj» (H). Tatzʼibʼaj achike qʼij xakʼis ri tanaj. Chupam ri peraj «Tasamajij reʼ» xtyaʼöx chawe chʼaqa chik naʼoj richin xtasamajij ri xtawetamaj chupam ri atijonïk (I). Chupam ri peraj «Richin nawetamaj más» xtawïl chʼaqa chik tzijonem chuqaʼ videos ri xkatkitoʼ (J).
Rubʼanik nakanoj jun texto chupam ri Biblia
Chupam ri textos e yaʼon kan ri rubʼiʼ ri wuj (A), ri capítulo (B) chuqaʼ ri versículo o ri versículos (C). Jun tzʼetbʼäl, Juan 17:3 nel chi tzij «ri wuj richin Juan, capítulo 17, versículo 3».
