Sitih inlahen öm yěm hòṅ yöölen löktö in ngih kun līpöre
Hol ṙô töp Vamënyen Yāvē yěm haköpmat ngih līpöre: Kò-òren öm havëkö inköptöre tö ṙô Paipöl in öp tarik kamë-ekūö meh tö ngih kun līpöre hēk havëkö inköptöre löktö el ngam vepsāit, jw.org.
RANEH PĀT
Vë-ekūö minë perekrāf, nö holre tö minë intöönö (A) minë aṅmat ngam töhet līpöre (B) minë mumkahtö elnang hī tö minë töhakööpö. Yěn “vë-evkūö” kinūichö ngaich um öt vë-ekūö minë miröökö.
LAMĀṘAT PĀT
Ngam ranehnyô (C) vënyu ṙô nö in ngam Mikahtökūöre Hēk minë yamih tökūönö kui töhakööpö (D) kamngö chūök kinakkö minë töhakööpö. Vë-evkūö minë miröökö, kētu sanapṙô minë intöönö, hēk meuk minë vitiō (E).
Ngëichkö minë ṙô vamë-eny inlahen minë nyat (F), ngaich afītöre tö ṙô re öm kētö sanapṙô nup Ṙô Yip Tahëng (G).
MANA-AṄ PĀT
Minë Haköp Hī Ngaich hēk Sitih Ṙô Öm Më-eṅ (H) keuheūt ngam lesön. Kūichngöm date yěn keuheūt ngam lesön. Chö-öny (I) tökētu La-en meh. Ngëichkö Në Inrē (J) tökô-òren inrē nö vë-evkūö hēk meūkö minkahtölōn meh.
Inlahen chinööhö minë miröökö i mat Paipöl
Minë tö vë-evkūö aṅmat ngam Paipöl(A), minë mirūlö(B), tö minë miröökö(C). Sā ngam, Yôhan 17:3 im līpöre Yôhan, 17 mirūlö, 3 miröökö.
