ˈWɔn ˗gɔ ˗nu ˈwo ˗gban Biblö ˗ta ˈö ˈwo yö ü ˗dho ˗an ꞊trɔɔn ꞊slɔɔ ˗kɔ ˗kë ꞊dhɛ?
˗A pö mɛn ˈbhaa ˗dhɛ ˗yö Biblö ˗zɔn ü ˗dhɛ: ˈSëëdhɛ ˈö yö ˈmɛn˗ nu ü ˗dhɛ ˗a pö ˗a ˗dhɛ ˗yö Biblö ˗zɔn ü ˗dhɛ ɛɛnˈˈ Biblö draansü ˗dhɛ yi ˗bha ɛntɛnɛtö ˈˈnimlɔn, jw.org ˗ta.
ˈˈPIAN ˗BLƐƐSÜ
˗Wo ˗bhuöö kpö ˈdhɛ ˈö ˈdhö ˗a ˗wo pö. Dhɛɛˈˈ ˈˈɲan bɛnŋsü ˗nu (1) waa Biblö ˈˈɲan ˗nu ˈwo tii (2) ˗wo ˈwɔn gaga ˗nu ˈgü ˗pʋ. Biblö ˈˈɲan ˈbhaa ˗nu ˈwo ˈdhö, ˗wo «˗wo pö» ˗yö ˗an ˈˈdhiʋ̈.
ˈˈPIAN ꞊PLƐ ˗NAAN
˗A ˈˈpian ˈwo˗ ˗Kaa ˈˈpiʋ̈ ˈpɔn ˗kë bhë ˗a ˗ta, ˗a ˗wo ˗bhuöö kpö ˗blɛɛsü ˗nu (3) ˗wo ˈwɔn ga ˗nu ˈü ˗dho ˗an draanˈˈ ˗an ˗zɔn. ˈYö˗ ˈwɔn ˗gɔ ˈsɛɛn˗ ˗nu (4) ˗wa ˈwɔn gaga ˗nu ˈgü ˗pʋ. ˗Kaa Biblö ˈˈɲan ˗nu ˗wo pö, kö ˈka dhɛɛˈˈ ˗nu ˗yɔ bɔ, kö ˈka video ˗nu ˗ga (5).
Pë ˈˈbin ˗nu waa˗ ˈklɔɔ˗ ˗nu ˈwo˗ ˗ta ˈpö ˗ka ˗an ˗ga (6). Dhɛɛˈˈ ˗nu ˈö ˈwo˗ ˈˈpian ˈö ˗kë Mɛn ˈbhaa ˗nu ˗wa ˗pö ˈka ˗a ˗ta bhë, ˗ka ˗an ˗yɔ mɛɛnˈˈ (7).
ˈˈPIAN ˗TOTAABHASÜ
˗A ˈwɔn ˗gɔ ˈˈdhiʋ̈ ˗yö ˗ta ˗a ˈˈpian ˈwo˗ ˗A ˈdhɛ to kwa ˈˈɲaan waa ˗Zobuödhe ˗kë bhë ˗an ˗ta (8). Yi ˈö˗ ˈwɔn ˗gɔ ˗yö ɲën ˗a ˈka ˗a ˗ya. ˗A ˈˈpian ˈö ˗kë Pë ˈü ˗dho ˗a kë˗ ˈka bhë (9), ˗yö ˈwɔn ˈbhaa ˈü ˗dho dɔ ˈˈgbɩɩ˗ ˈü˗ ˗kë ˗a ˗zɔn. ˗A ˈˈpian ˈö ˗kë ˗An ˗ga ˈpö ˈka bhë (10), ˗yö pë ˈˈwɛɛ ˈbhaa ˗nu ˈü ˗dho ˗an ˗wo pö ɛɛnˈˈ ˗an ˗ga, ˗an ˗zɔn.
Ü ˗dho Biblö ˈˈɲan ˗nu mɛɛnˈˈ ˗kɔ ˗kë ꞊dhɛ?
˗Wa Biblö ˈˈɲan ˗nu ˗zɔn, ˗a ˈˈpian ˗blɛɛsü bhë ˈyö ˗tɔ ˗a ˈsëëdhɛ ˗be ˈö Biblö ˈgü (1) ˗a ˈtɔ, ˈyö˗ ˗dhɛ ˈö dɔ ˗a ˈˈpiʋ̈ ˈö ˗kë ˗a ˈˈɲan ˈˈgblʋ̈gblʋ̈ (2) ˗nu ˈka, ˈyö˗ ˈˈpian ˗totaabhasü ˗kë ˗a ˈˈɲan ˈsɛɛn˗ (3) ˗nu ˈka. ˗A ˈwɔnzuan ˈnën ˗tɔ Zan 17:3 ˗gɛn ˈnën ˗tɔ Zan ˗bha ˈsëëdhɛ ˗be ˈˈɲan ˈˈgblʋ̈gblʋ̈ 17 ˗a ˈˈɲan ˈsɛɛn˗ 3.
