I be se ka nafa sɔrɔ kosɔbɛ Bibulu ka kalan nunu na cogo di?
Kalan kɛ ni Jehova Seere dɔ ye: Mɔgɔ min ye kitabunin nin d’i ma, a ɲini a fɛ a ka bibulukalan kɛ n’i ye. I be se fana ka demandi dɔ kɛ an ka site web jw.org kan, k’a ci an ma.
YƆRƆ FƆLƆ
Dakun kelen kelen bɛɛ kalan, ani ɲiningaliw kalan (A). Vɛrisew kalan fana (B). O vɛrisew be miiriya jɔnjɔnw bɔ kɛnɛ kan. I bena a ye ko a sɛbɛra vɛrise dɔw kɔrɔ ko “kalan.”
YƆRƆ 2NAN
Yɔrɔ dɔ be yen min kuun ko: A ɲini ka dɔ lɔn tugun. O yɔrɔ jukɔrɔ, kumasen (C) dɔ be yen min kuun ye k’a yira aw bena min lajɛ jukɔrɔyɔrɔ la. Cɛtigɛw (D) b’a yira baro bena basigi hakilinata jɔnjɔn minw kan. Vɛrisew kalan, ɲiningaliw jaabi, ani videwow filɛ (E).
Jaaw lajɛ koɲuman ani kuma minw sɛbɛra u gɛrɛfɛ, u kalan (F). Miiri k’a filɛ i bena nin jaabi cogo min na: Ni mɔgɔ dɔ y’a fɔ i ye ko (G).
YƆRƆ LABAN
Kalansen kelen kelen bɛɛ be laban ni “Miiriya jɔnjɔn” ye. O kɔ, ɲiningali dɔ sɛbɛra ko: “I ye mun lo faamu?” (H). Kalansen banna loon min na, o sɛbɛ. Yɔrɔ min na a sɛbɛra ko “I ka laɲinita” (I), o b’a yira i ka ɲi k’a ɲini ka laɲinita min dafa. I be se ka kunnafoni wɛrɛw kalan wala ka videwo dɔw filɛ yɔrɔ nin na: Nunu lajɛ fana (J).
Vɛrisew sɔrɔcogo Bibulu kɔnɔ
Vɛrisew kofɔra nin cogo la: Bibulu ka kitabu tɔgɔ (A), sapitiri (B), ani vɛrise wala vɛrisew (C). O la, Zan 17:3 be kalan ten ko: Zan ka kitabu, sapitiri 17, vɛrise 3nan..
