Se idinamde se afo ekpepde ke n̄wed emi enen̄ede an̄wan̄a fi
Nyene owo emi esikpepde fi: Dọhọ owo oro ọkọnọde fi n̄wed emi ke akpama ndikpep Bible, mîdịghe ka ikpehe Intanet nnyịn jw.org kọdọhọ ke imoyom owo esidikpep imọ Bible.
NTỌN̄Ọ UKPEPN̄KPỌ
Kot ikpehe kiet kiet ye mbụme oro ẹwetde ke ndodobi ubọkn̄wed (A) nyụn̄ kot mme itie N̄wed Abasi (B) oro ọsọn̄ọde se ẹtịn̄de do. Sikot n̄ko mme itie Bible oro ẹwetde “kot.”
UFỌT UKPEPN̄KPỌ
Se ẹtịn̄de ke (C) ke ntọn̄ọ Sịn Idem Kpep aban̄a se ẹnemede do. Ekpri ibuotikọ utọ nte (D) owụt akpan n̄kpọ emi afo edikpepde. Kot mme itie N̄wed Abasi, bọrọ mbụme emi ẹbụpde, nyụn̄ sise vidio (E).
Se mme ndise ye se ẹwetde ẹban̄a mmọ (F), nyụn̄ kere nte ọkpọbọrọde mbụme emi odude ke Ndusụk Owo Ẹsidọhọ Ẹte (G).
UTỊT UKPEPN̄KPỌ
Se Ikpepde ye Se M̀mê Emeti (H) ayanam eti se ekpepde. Siwet usenọfiọn̄ ke itie emi okụtde ikụre ukpepn̄kpọ emi ke. Se Afo Edinamde (I) ayan̄wam fi ebiere n̄kpọ en̄wen emi edinamde. Kpep N̄kpọ En̄wen (J) ọdọn̄ọ mme n̄kpọ emi ekemede ndin̄wam fi n̄ko.
Se idin̄wamde fi ọsọp okụt itie Bible
Ẹsibem iso ẹsiak enyịn̄ n̄wed Bible (A), ye ibuot n̄wed (B), ekem ẹsiak ufan̄ikọ ẹdikotde (C). Ke uwụtn̄kpọ, John 17:3 ọwọrọ, n̄wed John, ibuot 17, ufan̄ikọ 3.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
