Mbrɛ ibotum enya mfaso kɛse efi Bible adzesua yi mu
Ma obi nye wo nsua: Ka kyerɛ obi a ɔdze nwomaba yi maa wo no dɛ ɔnye wo nsua Bible no, anaa hyehyɛ Bible adzesua ho ebisadze a ɔwɔ hɛn wɛbsaet, jw.org do no bi.
ƆFA A ODZI KAN
Kenkan nkyekyɛmu biara, na kenkan nsɛmbisa a wɔdze dubir akyerɛw no akɛse no (A) nye kyerɛwnsɛm (B) a ɔtwe adwen si nsɛntsitsir no do no. Hyɛ no nsew dɛ kyerɛwnsɛm ahorow bi wɔ hɔ a, wɔahyɛ da ara aka dɛ “kenkan.”
ƆFA A OTSIA EBIEN
Asɛm a odzi kan (D) a ɔwɔ ɔfa a wɔato dzin Pɛnsapɛnsa Mu Kɔ Ekyir no kyerɛ dza wobosusu ho. Nsɛntsir nkakraba (E) no twe adwen si nsɛntsitsir no do. Kenkan kyerɛwnsɛm no, yiyi nsɛmbisa no ano, na hwɛ video ahorow (Ɛ) no.
Susu mfonyin nye nsɛm ahorow bi a wɔakyerɛw wɔ ho (F) no ho, na dwendwen kwan a ebɛfa do eebua nsɛmbisa a ɔwɔ ɔfa a wɔato dzin Binom Ka Dɛ (G) no ho.
ƆFA A OTWA TUN
Dza Esua na Mbobɔdo (H) afa no na ɔdze adzesua no ba n’ewiei. Kyerɛw da a wɔdze wiee adzesua no hyɛ hɔ. Ɔfa a wɔato dzin Dza Ebɛyɛ (I) no ma wo dwumadzi bi a ibotum ayɛ. Wɔ Hwehwɛ Pii Ka Ho (K) ɔfa no mu no, ibenya ndzɛmba afofor bi a ibotum akenkan anaa ahwɛ.
Mbrɛ ibesi ehu kyerɛwnsɛm ahorow wɔ Bible mu
Bible mu nwoma no ne dzin (A), ne tsir (B), nye ne nyiyimu (D) na wɔdze kyerɛ kyerɛwnsɛm ahorow no. Dɛ mfatoho no, John 17:3 kyerɛ John nwoma no, tsir 17, nyiyimu 3.
Bi A W'enyi Bɛgye Iyi So Ho
NSƐM A WƆTAA BISA
Ebɛnadze Nye Bible Adzesua A Jehovah Adasefo Nye Nkorɔfo Yɛ No?
Wɔ dɛm Bible adzesua a Jehovah Adasefo nye nkorɔfo yɛ yi mu no, ibotum dze Bible nkyerɛase biara a ewɔ no esũa adze. Ibotum afrɛ w’ebusuafo anaa w’anyɛnkofo binom mpo ma wɔaabɛka woho ma hom eesũa.
