Bɔ ni obaafee oná Biblia mli nikasemɔi nɛɛ ahe sɛɛ waa
Bi ni mɔ ko kɛ bo akase: Kɛɛmɔ mɔ ni kɛ broshuɔ nɛɛ hã bo lɛ akɛ obaasumɔ ni akɛ bo akase Biblia lɛ, loo yaa wɔwɛbsaiti ni ji jw.org lɛ nɔ, ni obi ni akɛ bo akase Biblia lɛ.
KLƐŊKLƐŊ FÃ
Kanemɔ kuku fɛɛ kuku, kɛ sanebimɔi ni adiki mli (A) lɛ, kɛ ŋmalɛi (B) ni maa saji otii lɛ anɔ mi lɛ. Obaana akɛ aŋma yɛ ŋmalɛi komɛi ahe akɛ “kanemɔ.”
TEŊGBƐ
Klɛŋklɛŋ sane (D) ni yɔɔ Kasemɔ Pii Ofata He lɛ shishi lɛ tsɔɔ nɔ ni baanyiɛ sɛɛ. Saneyitsei krokomɛi (E) lɛ tsɔɔ otii ni abaasusu he. Kanemɔ ŋmalɛi lɛ, hã sanebimɔi lɛ hetoo, ni okwɛ vidioi (Ɛ) lɛ.
Kwɛmɔ mfonirii lɛ kɛ saji ni yɔɔ amɛhe (F) lɛ ni ojwɛŋ nɔ, ni agbɛnɛ hu, okwɛ bɔ ni obaafee ohã sanebimɔ ni yɔɔ Mɛi Komɛi Kɛɔ Akɛ (G) lɛ he lɛ hetoo.
NAAGBEE FÃ
Fã ni ji Emli Oti kɛ Mɛni Okase? (H) lɛ muɔ nikasemɔ lɛ naa. Kɛ́ nyɛgbe nikasemɔ lɛ eko naa lɛ, ŋmaa deeti ni nyɛgbe naa lɛ. Atsɔɔ oti ko ni obaanyɛ otsu he nii yɛ Nɔ Ni Obaanyɛ Ofee (I) lɛ shishi. Saji komɛi yɛ Ehe Saji Krokomɛi (J) lɛ shishi ni kɛ́ oosumɔ lɛ obaanyɛ okane loo okwɛ.
Bɔ ni obaafee ona ŋmalɛi lɛ
Kɛ́ aatsĩ ŋmalɛ ko tã lɛ, aŋmaa Biblia mli wolo lɛ gbɛ́i lɛ (A) klɛŋklɛŋ, no sɛɛ lɛ, yitso lɛ (B), kɛkɛ lɛ, kuku lɛ loo kukuji lɛ (D) enyiɛ sɛɛ. Akɛ nɔkwɛmɔnɔ lɛ, kɛ́ ona Yohane 17:3 lɛ, edamɔ shi kɛhã Yohane wolo lɛ, yitso 17, kuku 3.
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
