Arom ni kona ni kakabwaiaaki n reirei man te Baibara aikai
Reirei ma Ana Tia Kakoaua Iehova: Butiia te aomata are anganiko te boroutia aei bwa e na reirei ma ngkoe, ke karina am bubutii n ara atureti n te intanete ae jw.org.
MOAN ITERA
Wareka te barakirabe teuana ma teuana, n ikotaki ma titiraki aika turu (A) ao kiibu (B) aika kabwarabwarai baika kakawaki. Ko kona n nori kiibu tabeua aika mwakoro i rarikia “wareka.”
KAUOUA N ITERA
Te moani kibuntaeka (C) are i aan Reiakina ae Bati Riki e kaotii baika a na rinanoaki. Atuu n reirei (D) a kabwarabwarai n te aro ae kimototo baika a na rinanoaki. Wareki kiibu, kaekai titiraki, ao mataku n taian taamnei (E).
Iaiangoi taian koro taamnei ao kabwarabwaraaia (F), ao iangoa am kaeka nakon te itera are A Taku Tabeman (G).
TE KABANEA N ITERA
Kakimototoana ao Kauring (H) e a motikaki ao ni kauringaki iai kanoan te reirei. Korea te bong are e bane iai te reirei. Kataia (I) e kaotaki iai te bwai ae ko kona ni mwakuria. Nori Naba Aikai (J) e kaotii baika ko kona naba ni wareki ke n taamnei iai.
Aroni Kakaaeani kiibu n te Baibara
A koreaki taiani kibu n aron aei: Arani bokin te Baibara (A), te mwakoro (B), ao te kibu ke taiani kibu (C). N te katoto, Ioane 17:3 nanona te boki ae Ioane, mwakorona 17, te kibu 3.