Bé eo é láá ié bélè lọl ló gbò nu gè nò ea dẹẹ̀a boo Kpá Káí ea di mm̀ kpáí naa
Zọ̀ enè Neǹ Ditõ̀ò Jìhóvà noá: Kọ́ nè nen ea beè nè ni bróshọ̀í kọ á zọẹ̀ ni noá Kpá Káí, àbèè ò náa fíìl fóòm boo bẹẹ website kọ bàá zọẹ̀ ni noàè Kpá Káí, jw.org.
TÚÁ BÁÀSĨ́
Bugi buù kpò, bã̀àna gbò bíb ea di ló buù kpò e bà tú dõòna kà kọ́lọ̀ emá (A) nè gbò dọ̀ Kpá Káí (B) ea kọ́ kà ea di mm̀ buù kpò. Nvèè kpíí ló kọọ̀ bà émí “bugi” ló sìgà dọ̀ Kpá Káí.
NÍ EA ÉGÈ BÀÀ
Túá kà tã́á bel (C) ea di kè kẽè Kpáá Nó Bọ̀ọ̀vẹ̀ kọ́ gbò nú eo é nó kè kẽè nakà togó bel. Gbò ńkem̀ togó bel (D) kọ́ gbò gá e bàé ló bel boo. Bugi gbò dọ̀ Kpá Káí ea di m, aalá gbò bíb ea nyoone, vaá ò ẹb gbò vídiò ea di m (E).
Palàge ẹ̀b gbò tã́ànu ea di m nè gbò émì nú ea di ló (F), vaá ò bugi togó boo bá eo é láá aalá bíb ea di kè kẽè kiẽ́e ea kọ́ọ̀, Sìgà Gbò Kọ́ọ̀ (G).
DEE-DEÈ NVÉE
Nú E Ni Nó nè Ge Òòa Boo (H) nveè kùbmà ló nakà togó bel ge nò. Emí dee eo nóò nakà togó bel lọ̀l. Ńkem̀ togó bel ea kọ́ọ̀ Nú Eo Sẹẹ̀a Sĩ́ (I) é náa kọ ó nyimá bé eo é láá tú gbò nú eo ni nó siimá tóm naa. Ńkem̀ togó bel ea kọ́ọ̀ Kpáá Gbĩ́ Tẽ́ Ló (J) fáálá dõòna kà nú eo é láá bugi àbèè ge ẹ̀b.
Be eo é láá ẹ̀ẹ̀là gbò dọ̀ Kpá Káí e bà kólí naa
Bà ólò zẹ́ẹ́ kolí béè kpá ea di mm̀ Kpá Káí (A), bà gbóó kolí a togó bel (B), besĩ́ bà kálá kolí a gã́bel àbèè gbò a gã́bel (C). Dì belí nu dòòmà bá, Jọ́ọ̀n 17:3 tõó dọ̀ kpá Jọ́ọ̀n, 17 togó, 3 gã́bel.
