Yin baa fidi ki ba yaa biibili bangima n tie nna ñoadi maanma
Lingi mani o nilo n todi yi: Mia mani yua puni yi yaa tili n tie nna, Biibili bangima, bi yin kua ti sito jw.org nni ki diani ki mia.
MI BANGIMA YENI CICIKAANU
Cogi mani a cagibila kuli, leni yaa buali n ye cagibiga kuli cilima nni (A) ki go cogi velseenba (B) yaala n wangi tin baa kubi yaala. Cogi mani yaa velseenba ke bi yedi “tin cogi.”
MI BANGIMA YENI KAANLIELO
I cicidiani yaala n ye (C) liini mani ki pugini wangi tin baa bangi yaala. A mayula yeni (D) wangi yaala ke ti baa boe. Cogi mani velseenba yeni, ki lebidi i buali yeni, ki go diidi videonba(E).
Diidi mani fotoonba leni li tiipo diani (F), laa mani yin baa lebidi yaa buali n ye nitianba n tua yaala nni, maanma (G).
MI BANGIMA YENI KAANTAALO
Mi bangima baa juodi leni (H) mi maakubikaama leni mi goaleema. Diani mani mi bangima gbenma daali. Naakani ke bi diani (I) ŋan bili ke a baa tieni yaala wangi ŋan baa tieni maanma, ki ŋoadi ŋan taa yaa yanjaga. Yaa kaanu ke bi diani (J) ŋan pugini a banma wangi a yaala ke a baa fidi ki cogi ki go diidi.
Ŋan baa fidi ki lingi Biibili velseenba maanma
Bi yaa yedi a ŋan cogi velse, bi baa waani a Biibili yeni tili (A), li cagili (B), leni velse bi velseenba yaala ke a baa cogi (C). Li nannanli po, Jan 17:3 tie Jan tili, cagili 17, velse 3.
