-Ka -ˈyea nʋn -wɛeˈ ˈsɛɛ- nɛn ˈyea ʋn sʋn bho po ˈdhe -manˈ ˈkmʋn ˈdhi ɛ
Dee- Zoova aˈ -Bobhlaʋn- anˈ dhueˈ i ɔ -nɩn -ˈye dhɛ ˈcɩan: Ɲɔn ˈˈɲɩan ʋn ˈsɛɛ- nɛn, ˈtmʋɔn -ˈnaan, -man ˈbɔn ɔ -nɩn -ˈyeɛ ˈcɩan -aeˈˈ dee- Biiblʋ ˈcɩan- in ˈbho -aaˈ ɛntɛɛnɛtɩ ɛˈ -deɩn- nɩan, jw.org ˈˈkpe.
ƐƐˈ ˈFƆ KƆAN ƝAN
(1) Zro ˈcreedhɩ aˈ kpɔ ˈdhii, ɛmɛn -e ɩanˈ ideedɩ -e (2) Biiblʋ aˈ ˈˈjhri -e -ɩan- dea dhɩ kɔandɩ -jeɛ ˈˈkpe -e. -Bho -ˈjhe Biiblʋ aˈ ˈˈjhriɛ ˈˈdhe ɲʋn ˈcre “zro” ˈbho ɛ ˈˈjhibhaˈ aˈ, -ˈmɛn -ˈyeɛ ˈdhii zro.
ƐƐˈ ˈFƆ NƖAN ˈO GWEA
(3) -Da ɲʋn ˈcrea Kpa dhɛ i ˈŋwɔɛn ɲan, dhɩ -ˈyea ˈcɩan an, ɩmɩn- dɩ ˈtmʋɛn- ˈdhemɔn. (4) ˈBho ˈcɩaandhɩ aˈ ˈˈdhri -mɩɩnˈˈ ˈˈkpe dhɩ ɲʋn ˈyea ˈcɩan ˈye -dee. (5) Zro Biiblʋ aˈ ˈˈjhri ˈdhii, -za ˈe ideedɩ -ˈmɛn -ˈjhe videe i.
(6) -Ŋmʋn fete jha. (7) -Ka -ˈyea ideedɩ- nɩan ˈbho ɛɛˈ ˈfɔ ɲʋn an ˈdhaa Ɲʋn -ˈnʋʋn ˈnaan ˈdhe -za sʋn nʋn ɛn, -nɛɛn tɔˈ ˈˈkpei.
ƐƐˈ ˈFƆ ˈBHƆƆA DHE
ˈBho Dhɛwɛ- ˈcɩan-? -e Dhɛwɛ- -ˈŋwɔn in -ɛn? (8) ˈˈkpe -mɔn ˈcɩaandhɩ a ˈˈtii.ˈCre nɔnˈˈ gwea ˈcɩaandhɛ- nɛn ɛnˈ ˈcɩaan . Ɛɛˈ ˈfɔ nɩan Dhɛ -ˈbhɛɛa -ˈyea nʋn ɛn po ʋn sʋn bho -wɛeˈ -ˈye dhɩ -man ˈcɩan ˈˈjhriɛ ˈˈdu (9). Ɛɛˈ ˈfɔ ɲʋn an ˈdhaa ˈBɔn dhɩ -ˈnɩɩn anˈ i ˈŋwɔan in (10) ɛn tɔɔɛn mʋn dhɩ -dhee -ˈnɩɩn -ˈye ˈdhii zro -aeˈˈ -ˈye i ˈjhe.
Ka ɲʋn an nʋan Biiblʋ aˈ ˈˈjhri i ˈbɔn sʋn ɛn
Dhɛ Biiblʋ aˈ ˈsɛɛ ɛˈ ˈˈjhriɛ ɛˈ i ˈbɔɛn tbha ˈo ˈˈkpei -mɛn -nɩn (1)Biiblʋ aˈ ˈsɛɛ ɛˈ ˈɲnɩn. (2) Ɛɛˈ ˈˈjhri klaɩˈˈ. (3) Ɛɛˈ ˈˈjhri -mɩɩnˈˈ. Ɛɛˈ kpɔ dhueˈ ka, Jean 17:3 an, ɛ nɩn Zan anˈ ˈsɛɛ ɛˈ ˈˈjhri klaɩˈˈ 17, ˈˈjhri -mɩɩnˈˈ 3.
