Yuav ua li cas koj thiaj nkag siab zoo txog peb zaj kawm no?
Cia ib tug pab qhia koj. Hais kom tus uas muab phau ntawv no rau koj rov tuaj qhia koj, los sis mus rau npe hauv peb lub vej xaij jw.org/hmn kom ib tug tuaj pab qhia koj.
FEEM 1
(1) Nyeem ib sob zuj zus thiab xav txog cov lus nug. (2) Nyeem cov nqe Vajlugkub uas txhawb lub ntsiab. Yog nqe twg hais “nyeem” ces mus nyeem thiab xav txog nqe ntawd.
FEEM 2
(3) Cov lus hauv qab Kawm Ntxiv qhia txog tej uas koj yuav kawm hauv zaj ntawd. (4) Cov ntsiab me qhia tias koj yuav kawm txog dab tsi. (5) Nyeem cov nqe Vajlugkub, tham txog cov lus nug, thiab mus saib cov yeeb yaj kiab.
(6) Mus saib cov duab thiab nyeem cov lus uas sau txog cov duab. (7) Ua tib zoo xav seb koj yuav teb li cas ntawm ntu Ib Txhia Hais Tias.
FEEM 3
(8) Thaum yuav xaus mus rau ntu Koj Kawm Tau Dab Tsi thiab Rov Tham Dua. Sau seb koj kawm tiav rau hnub twg. (9) Sau tej yam uas koj xav xyaum rau ntawm ntu Koj Xav Xyaum Yam Twg. (10) Ntu Tshawb Ntxiv muaj tej yeeb yaj kiab thiab ntaub ntawv rau koj saib thiab nyeem yog tias koj xav paub ntxiv.
Koj yuav nrhiav cov nqe Vajlugkub li cas?
Txhua nqe Vajlugkub muaj (1) ib phau ntawv, (2) ib tshooj, thiab (3) ib nqe los sis tej nqe uas koj yuav tau nrhiav. Yog li, thaum koj pom Yauhas 17:3 ces nthuav mus rau phau Yauhas tshooj 17 nqe 3.
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
