Omuano mu mo yenene okumuna ouwa momahongwa wOmbeibela nga
Ningira omundu okurihonga puna ove: Ningira okurihonga Ombeibela ku nomundu ngwe ku pe okambo nga, poo tjita omaningiriro korungovi rwetu, jw.org.
ORUPA ORUTENGA
Lesa oparagrafa aihe, omapuriro nga ririsiwa omazorondu (A) nomatjangwa (B) ngu maye ṋuṋisa omapu omananḓengu. Omatjangwa nga tjangwa kutja “lesa,” maye sokulesewa ku nomundu ngu mamu rihongo pamwe.
ORUPA RWOPOKATI
Omambo omatenga (C) kehi yorupa ndwi Konḓonona oukoto maye kahurura mbi mavi kongorere ko. Omapu wokehi (D) maye tjiukisa oviṋa ovinanḓengu. Lesa omatjangwa, zira omapuriro, nu tarera ouvidio (E).
Tara koviperendero nomakahururiro wavyo (F), nu ripurira komuano mu mo ziri orupa ndwi Ovandu tjiva ve tja (G).
ORUPA ORUSENINA
Ehongwa mari yanda notupa twi Okuyarukira po ousupi nOkurizemburukisa (H). Tjanga omayuva ehongwa ndo mu ra manuka. Orupa ndwi Ondando (I) maru ku pe otjiṋa tji mo hepa okutjita kutja u kayende komurungu okurihonga. Morupa ndwi Rihonga ovingi (J) mo munu mo ondjivisiro yokomurungu kove okulesa nokutarera.
Omuano mu mo yenene okumuna omatjangwa wOmbeibela
Omatjangwa ya raisiwa otja kena rembo rOmbeibela (A), ekondwa (B), ezeva poo omazeva (C). Otjotjihorera, Johanes 17:3 mari hee embo ra Johanes, ekondwa 17, ezeva 3.
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
