Baka ni deka bulih mayuh agi penguntung ari pelajar Bup Kudus tu
Pinta seiku orang nulung nuan: Pinta belajarka Bup Kudus ari orang ke meri nuan brosur tu, tauka anjung peminta ba laman web kitai jw.org/iba.
PUN BEGIAN
Bacha tiap iti genteran, nyengkaum tanya ke dichelum tebal (A) enggau ayat Bup Kudus (B) ke madahka batang poin. Peratika mega sekeda ayat Bup Kudus ti diberi tanda “bacha.”
BEGIAN TENGAH
Ayat keterubah (C) ba baruh begian Belajar Mayuh Agi nerangka utai ti deka dikerandauka. Anak tajuk (D) madahka batang poin. Bacha ayat Bup Kudus, saut tanya, lalu peda video (E).
Peratika enggau manah gambar sereta penerang pasal gambar nya (F), lalu perundingka chara nuan deka nyaut begian Bisi Orang Madah (G).
BEGIAN UJUNG
Begian Lansa enggau Ulang Kaji (H) ngujungka pelajar nya. Tuliska haribulan pelajar nya tembu. Begian Uji Tu (I) madahka utai ke ulih digaga nuan ngambika ulih terus belajar tauka ngena utai ti udah dipelajarka nuan. Begian Aram Belajar (J) ngundan penerang bukai ke ulih dibacha tauka dipeda nuan.
Chara kena ngiga ayat Bup Kudus
Ayat Bup Kudus ke ditulis nya Bup ba Bup Kudus (A), bagi (B), enggau ayat (C). Ambika chunto, John 17:3 nunjuk ngagai bup John, bagi 17, ayat 3.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
