Nu kunnasi ka mas mabenefisiowan taw ira nga leksion na Biblia
Makipaggigiammu: Nu kayà mu i mappa-Bible study, ikagim yatun ta nangiyawa nikaw taw nga pabbibbigan onu mangi-submit ka tu request ta website mi nga jw.org/ibg.
OLLU NGA PARTE
Bibbigan i kada parapo, kunnatun gapa i makannag i niketurana ira nga pakkiavu (A) anna teksto ira (B) nga mangipakanawag ta punto ira. Nepay ta karuan nga teksto ira i “bibbigan.”
MEKADUA NGA PARTE
Mabibbig ta gafu (C) na Gigiammuan i Aru Paga nu anni i mekonsidera ta tumunug. Mabibbig ta subtitulo (D) i punto ira. Bibbigan i teksto ira, tabbagan i pakkiavu ira, anna girawan i video ira (E).
Gigiammuan tu mapia i letratu anna caption ira (F), anna nonopan nu kunnasi ka tubbag ta I Kagian na Karuan (G).
ULTIMU NGA PARTE
Anni i Nagigiammum? anna Review (H) i ultimu nga parte na leksion. Ipay i fetcha nga nakumpleto i leksion. Ta Puruebammu yaw, (I) mangipay ka tu mawag nga papprogresowammu. Ta I Awayyam Paga Kuan, (J) awayyam bibbigan onu girawan i karuan paga nga informasion.
Nu kunnasi magaleg tu teksto ira ta Biblia
Masingan ta teksto i libru na Biblia (A), i kapitulo (B), anna i versikulo onu versikulo ira (C). Angngariganna, i kayà kagian na Juan 17:3 ay libru na Juan, kapitulo 17, versikulo 3.
Baka Kaya Mu Gapa i
GAGANGAY IRA NGA PAKKIAVU
Anni nga Paggigiammu ta Biblia i Iyofer na Saksi ira ni Jehova?
Ta libre nga paggigiammu nga iyofer na Saksi ira ni Jehova, awayyam usan i maski anni nga translation na Biblia. Awayyam imbitan i interu familiam onu kokkofummu ira ta pab-Bible study.
