Ɛgɛ nɛ a géē lɛ itene ŋma aɛlā ō nwu ku Ubáyíbu nyā lɔɔlɔhi a
Da ɔcɛ éyi kóō klɔcɛ mla uwɔ: Da ɔcɛ nōo je ubrociɔ nyā gā uwɔ a kóō klɔcɛ mla uwɔ amāŋ lɛ iye, uce mla ɛga nɛ a lā a ta ta ipu uwɛbsait ku alɔ. jw.org.
AYA AFLƐYI
Jé ogwotu a eyeeye mla aɔka néē ta kplɔkplɔ a (A) aɛga ku Ubáyíbu (B) nōo kɛla lɛyikwu ɔcɛla a. Ó lɛ aɛga ku Ubáyíbu ōhī néē ta u “jé” ba ɔ iyē.
AYA KU ƆTAHƐ
Ɛlā aflɛyi néē ka (C) nōo yɔ ɛhaajɛ ku Jé Gɔbu a gē lɛ ɛlā nɛ alɔ gáā klɔcɛ a teyi peee. Aikpɛyi ɛlā (D) ā gē da alɔ ɔcɛla a. Jé aɛga ku Ubáyíbu, cila aɔka a ku a klla má auvidio a (E).
Leyi má aifoto a lɔɔlɔhi mla ɛlā néē ka lɛyikwu aifoto a (F), ku a klla gbɛla lɛyikwu ohi ku ɛlā nɛ Ācɛ Ōhī Gē Ka (G).
AYA AMOOMƐ
Ɔdi nɛ a nwu a? mla Aɔka ō tu alɔ ɛlá kwu ɔdā nɛ alɔ nwu (H) a gē bi ɛlā ō nwu a wɛ oŋmɛyi. Lɛ ɛ̄cī nɛ a ya ɛlā ō nwu ku uwɔ mɛ a ta taajɛ. Ɔdā nɛ a géē ya (I) a gē da uwɔ ɔdā nɛ cika ō ya amāŋ ɛgɛ nɛ a géē bi ɔdā nɛ a nwu a le yuklɔ. Jila ɛlā nyā má tōōtɔ̄ɔ̄ (J) a lɛ aɛlā ō nwu nɛ a géē dɔka ō jé amāŋ má.
Ɛgɛ nɛ a géē dɔka ɛga ku Ubáyíbu néē ta ipu ɔkpá nyā a
Ɛnyā mafu iye ku ɔkpá ku Ubáyíbu (A), Ɛyi (B), mla ɔgba amāŋ aɔgba a (C). Ocabɔ mafu, Ujɔ́ni 17:3 yɔ i mafu ka ɔkpá ku Ubáyíbu a wɛ Ujɔ́ni, ɛyi 17, ɔgba 3.
