Bac a d-tesfaydiḍ akken ilaq si yal timeɣri...
Ɣer-itent akk-d yiwen n Inigi n Yahwa: Ḍleb i win i k-d-yefkan tareẓẓit-agi aţ-ţeɣreḍ yid-es Adlis Iqedsen, neɣ ɛemmeṛ yiwet n tewriqt di Internet di jw.org.
AḤRIC AMEZWARU
Ɣer-ed yal taseddaṛt. Isteqsiyen yuran s llun nniḍen (A) akk-d yefyar yeţwaketben s tira tizuranin (B) ţwerrin-d ixemmimen iɣef i glaq aţ-ţecfuḍ. Aţ-ţafeḍ daɣen zdat n kra n yefyar ameslay “ɣer-ed”.
AḤRIC WIS SIN
Deg weḥric yeţţusemman A nnadi a nefhem akteṛ, imeslayen imezwura (C), d ixemmimen ara teɣreḍ. Yal asentel (D) yessefham-ed yiwen uxemmim iɣef i glaq aţ-ţecfuḍ. Kečč akk-d win i k-yesselmaden, a d-teɣrem ifyar, a d-tǧawbem ɣef yesteqsiyen w’aţ-ţfeṛṛǧem bidyuwat (E).
Aţ-ţwalim daɣen kra n ţţewṣifat d wayen yeţwaketben zdat-sent (F). Aţ-ţɛerḍem daɣen a d-tǧawbem ɣef yesteqsiyen yellan deg weḥric Kra qqaren (G).
AḤRIC WIS TLATA
Iḥricen Ayen i d-nelmed akk-d A d-nesmekti (H) smektayen-d ayen yellan di tmeɣri s kra kan n imeslayen. Tzemreḍ aţ-ţketbeḍ ass ideg i tfukkeḍ timeɣri. Aḥric Lmeqsud-iw (I) a k-iɛiwen aţ-ţesɛuḍ yiwen n lmeqsud. Aḥric Tzemreḍ aţ-ţwaliḍ daɣen (J) aţ-ţafeḍ deg-s leḥwayeǧ nniḍen ara teɣreḍ neɣ ara tfeṛṛǧeḍ.
Amek ara d-tafeḍ afir deg Wedlis Iqedsen
M’ara d-ţwabedren yefyar, aţ-ţafeḍ qbel isem n tektabt n Wedlis Iqedsen (A), mbeɛd ixef (B), mbeɛd afir neɣ ifyar (C). Ɣef lemtel, Yuḥenna 17:3 yeɛna taktabt n Yuḥenna, ixef 17, afir 3.