Ɛbɛ pɩwɛɛ se ŋla nɛ Bibl kpɛlɩkʋʋ tɔm ñʋŋ ɩnɛ ɩwazɩ-ŋ nɛ pɩkɩlɩ?
Yele nɛ nɔɔyʋ sɩnɩ-ŋ: Pɔzɩ weyi ɛcɛlɩ-ŋ hatʋ cabɩ takayaɣ kanɛ yɔ se ña nɛ ɩ ɩkpɛlɩkɩ Bibl yaa wolo ɖɛ-tɛ intɛrnɛɛtɩ lone jw.org yɔɔ nɛ ŋpɔzɩ se pɛkpɛlɩkɩnɩ-ŋ Bibl.
KAJALAƔ HƆƆLƲƲ
Kalɩ paa tayʋʋ mbʋ, pɩkpɛndɩnɩ tɔm pɔzʋʋ mbʋ pamanɩ tɔlɩm mbʋ pɩkɩlɩ piyuu yɔ (A) nɛ masɩ (B) nzɩ sɩñɩkɩɣ niye lɩmaɣza sɔsɔna yɔɔ yɔ. Tɩlɩ se pama masɩ nasɩyɩ cɔlɔ se «kalɩ.»
HƐKƲ TAA HƆƆLƲƲ
Tazɩ nɛ pilimi hɔɔlʋʋ taa kajalaɣ tɔm (C) wɩlɩɣ-ŋ lɩmaɣza wena akɔŋ yɔ. Tɔm ñʋŋ cikpeŋ (D) ñañɩkɩɣ niye lɩmaɣza sɔsɔna yɔɔ. Kalɩ masɩ, cosi tɔm pɔzʋʋ yɔɔ nɛ ŋcɔnɩ videowaa (E).
Cɔnɩ kɩlɛmɩŋ nɛ ɩ-cɔlɔ tɔm (F), nɛ ŋmaɣzɩ nɛ ŋna ɛzɩma ña-maɣmaɣ ŋpɩzɩɣ nɛ ŋcosi tɔm pɔzʋʋ mbʋ pɩwɛ Nabɛyɛ yɔɔdʋʋ se (G) hɔɔlʋʋ yɔɔ yɔ.
KƐDƐZAƔ HƆƆLƲƲ
Paa hɔɔlʋʋ ŋgʋ lɛ, kɩtɛzɩnɩ Tobi lɛ nɛ Tɔm taa tazʋʋ (H) hɔɔlɩŋ. Ma evemiye nɖɩ ɩtɛzɩ tɔm kɩkpɛlɩkɩtʋ ndʋ yɔ. Hɔɔlʋʋ kaɖʋwa (I) ɖʋʋ-ŋ tʋmɩyɛ naɖɩyɛ. Wondu lɛɛtʋ (J) ñawɩlɩɣ-ŋ takayɩsɩ nzɩ ŋpɩzɩɣ nɛ ŋtasɩ kalʋʋ yaa videowaa mba ŋpɩzɩɣ nɛ ŋtasɩ cɔnʋʋ yɔ.
Ɛzɩma pɩwɛɛ se ŋñɩnɩ Bibl masɩ yɔ
Masɩ paɣzɩɣnɩ Bibl takayaɣ (A), pʋwayɩ lɛ ñʋʋ (B), nɛ pɩtɛzɩnɩ kalɩtʋ (C). Kɩɖaʋ: Yohanɛɛsɩ 17:3 tɔbʋʋ lɛ se Yohanɛɛsɩ takayaɣ ñʋʋ 17, kalɩtʋ 3.
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
