Inki nge fwete sala sambu na kuzaba mbote malongi yina ya Biblia?
Longuka ti Mbangi ya Yehowa mosi: Lomba Mbangi ya Yehowa yina pesaka nge kamukanda yai na kulonguka Biblia ti nge, to fulusa formilere yina kele na site Internet na beto jw.org, sambu Mbangi ya Yehowa mosi kulonguka ti nge.
KITINI YA NTETE
Tanga konso paragrafe, tanga mpi bangiufula (A) ti baverse (B) ya kele na bisono ya ndombe ya ngolo ya ke tubila bangindu ya mfunu. Simba nde na lweka ya baverse ya nkaka bo me sonika nde “tanga.”
KITINI YA KATI-KATI
Na nsa ya ntete (C) na kisika bo me sonika Longuka Mambu Mingi, bo ke tendula mambu ya ke landa. Tubantu-diambu (D) ke tubila malongi ya mfunu. Tanga baverse, pesa bamvutu na bangiufula, mpi tala bavideo (E).
Tadila na dikebi yonso bifwanisu mpi bangogo yina ke tendula yo (F), na nima yindula mambu yina nge lenda tuba sambu na mambu yina Bantu ya Nkaka Ke Tubaka (G).
KITINI YA NSUKA
Malongi ya kele na kati ke suka ti kitini Na Bunkufi mpi kitini Inki Nge Me Simba (H). Kana nge me manisa kulonguka dilongi mosi, sonika dati ya nge me manisa. Na kisika bo me sonika nde Mambu ya Kusala (I), bo ke songa kima ya nge fwete sala sambu na kulanda kulonguka to kusadila mambu ya nge me longuka. Na kisika bo me sonika nde Tala Mpi (J), nge ta mona mambu ya nkaka yina nge lenda tanga to video ya nge lenda tala.
Mutindu ya Kuzwa Baverse ya Biblia
Sambu na kuzaba baverse, bo me sonika mukanda ya Biblia (A), kapu (B), mpi verse to baverse (C). Mu mbandu, Yoane 17:3 ke tendula mukanda ya Yoane, kapu 17, verse 3.
Nge Lenda Sepela Mpi Ti
BANGIUFULA YINA BANTU KE YULAKA MINGI
Inki Mutindu Bambangi ya Yehowa Ke Longukaka ti Bantu Biblia?
Ntangu nge ke longuka Biblia ti Bambangi ya Yehowa, nge lenda sadila konso Biblia yina. Nge lenda bingisa mpi dibuta na beno to banduku na nge na kulonguka nzila mosi ti nge.
