Ниме итсе, пу библейскай уроктар тузалығ поларлар?
Ӱгретчінең хада ӱгреніңер: пу брошюраны пирген кізіні сірернең хада Библияны ӱгренерге сурынып алыңар алай пістің jw.org тіп сайтта заявка артыс салыңар.
УРОКТЫҢ ПАСТАҒЫ ЧАРДЫҒЫ
Полған на абзацты арландыра пазылған сурығларнаң хада (А) паза Библияның уроктың ӧӧн сағыстарынаң палғалыстығ стихтарын (Б) хығырып алыңар. Хайығ салыңар, пірее стихтарның хыринда «хығырыбызыңар» тіп устағ пирілче.
УРОКТЫҢ ӦӦН ЧАРДЫҒЫ
Уроктың «Тирең арах хас кӧріңер» тіп пӧлікті пастапчатхан сӧстері (В) аннаң андар ниме ӱзӱрілерін чарыда чоохтапчалар. Подзаголовоктар (Г) уроктың ӧӧн сағыстарын кӧзітчелер. Библияның стихтарын хығырып алып, сурығларға нандырыңар паза видео (Д) кӧріп алыңар.
Хоостарны кӧріп алып, оларны чарытчатхан сӧстерні (Е) хығырып алыңар, ідӧк «Кем-де піди тіпче» (Ж) тіп пӧліктегі сӧстерге хайди нандырарға сағын кӧріңер.
УРОКТЫҢ ХАЛҒАНҶЫ ЧАРДЫҒЫ
Уроктар «Ӧӧн сағыс» паза «Сағысха хатап кир кӧреелер» (З) тіп пӧліктернең тоозылчалар. Урокты ӱгренерін тоозыбыссар, тоосхан кӱнні пас салыңар. Аның алтында «Кӧстеглер» (И) таап аларзар, оларны толдыр саларға кирек. «Хоза істезіңер» (К) тіп пӧлікте пасха даа хынығ информация таап аларзар.
Библияның кирек стиғын хайди таап аларға?
Библияның кирек стиғын таап алар ӱчӱн, Библияның киндезінің адын (А), пастағның санын (Б) паза стихтың номерін (В) кӧріп алыңар. Кӧзідімге, Иоанн 17:3 Иоанның Чахсы Хабарын, 17-ҷі пастағны, 3-ҷі стихты азарға кирек полчатханын кӧзітче.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
