Kom ac fah eis ma wo fuhkah ke mwe lutlut in Bible inge
Siyuck sin sie mwet in luti kom: Siyuck ke sie lutlut Bible sin mwet se ma usot nuh sum mwe rit se inge, kuh suhpwaclah sie request in lutlut Bible an nuhke website lasr uh, jw.org/kos.
IP SE MEET
Riti kais sie paragraph, wekuhnacng kihsen siyuck ma sihmlac kohn (A) ac fuhs in Bible (B) ma ahkkahlwemye mwe lutlut yohk. Lohacng nuh kac lah kuhtuh sin ma suhmuhslah ma akihlenyucki in “riti” enenuh in ritiyuck ke puhsra yohk.
IP SE INFULWAC AN
Kahs in muhtwacwacack (C) ma oasr ke Ahkyohkye Lutlut Lom ahkuhtweyac ke ma ac sramsramkihnyuck uh. Sifac srihsrihk (D) ahkkahlwemye mwe lutlut yohk. Rit ma suhmuhslah, tohpohklah kihsen siyuck, ac liye video (E).
Lohacng ahkwoyac nuhke petsac ac caption (F), ac nuhnkuh lah kom kuh in tohpohklah fuhkah kihsen siyuck ma oasr ke Kuhtuh Mwet Uh Fahk (G).
IP SE SAHFLAH
Ma Kuht Lotwelah ac Kalweni (H) ahksahfyelah mwe lutlut sac. Suhmuhslah lwen se ma mwe lutlut sacn ahksahfyeyucklac. Srihke in Oruh Ma Inge (I) ahkkahlwemye kuhtuh ma ma kom kuh in oruh. Liye Pac Ma Inge (J) ahkkahlwemye ke ma sahyac ma kom kuh in rit kuh liye.
Kom ac konwacack fuhkah fuhs in Bible
Ma suhmuhslah uh ahkkahlwemyeyuck ke puk (A), sapta (B), ac fuhs in Bible (C). Ke sie mwe puhpuhlyuck, John 17:3 ahkkahlwemye ke puk luhn John, sapta 17, fuhs 3.
