Byo Mwafwainwa Kuba pa Kuba’mba Mumwenemo mu mitwe iji mu uno Buloshuwa
Ambilaipo muntu umo kwimufunjishanga Baibolo: Buulai muntu wimupeele uno buloshuwa kwimufunjishanga Baibolo nangwa yai pa keyala wetu ne kunembapo’mba mukeba kufunda Baibolo jw.org/kqn.
KIPUNGU KITANSHI
Tangai mafuka onse, mepuzho ajimo (A) ne binembelo bijimo (B) muji bishinka bikatampe. Yukai’mba binembelo bimo bebinemba’mba “tangai.”
KIPUNGU KYA BUBIJI
Byambo bitanshi (C) pa kamutwe ka kuba’mba Funjilaipo Bikwabo byaamba pa bishinka bijimo. Tumitwe (D) twaamba pa bishinka bikatampe. Tangai binembelo bijimo, kumbulai mepuzho ne kutamba mavidyo (E).
Isambai pa bipikichala bijimo (F) kabiji langulukai byo musakukumbula mepuzho aji pa kamutwe ka kuba’mba Bantu Bamo Bamba’mba (G).
KIPUNGU KYA BUSATU
Po banemba’mba Ñanyi Bishinka byo Mwafunda? ne Mepuzho a kupitulukamo (H) byo byapelako mu mutwe yense. Nembai juba jo mwapwisha kufunda. Po banemba’mba Ubai bino (I) mwafwainwa kunembapo byo mwafwainwa kwingijisha bishinka byo mwafunda. Po banemba’mba Kebai Bishinka Bikwabo (J) paji bishinka byaamba pa kutanga ne kutamba mavidyo.
Byo Mwafwainwa Kutaana Byepelo mu Baibolo
Pa kuba’mba mutaane kinembelo, mwafwainwa kuya pa Buku wa mu Baibolo (A), kitango (B)e, kepo mwaya pa kyepelo nangwa byepelo (C). Nabiji, Yoano 17:3 kibena kulumbulula’mba buku wa Yoano, kitango 17 kyepelo 3.
Mwakonsha Kutemwa
MEPUZHO O BEPUZHA JAVULA
Lufunjisho lwa Baibolo lo lu ka?
Tanai mikumbu ya mepuzho epuzha bantu javula pa mutanchi wetu wa kufunjisha Baibolo.
