လၢတၢ်မၤလိလံာ်စီဆှံအံၤအပူၤ နကဒိးန့ၢ်ဘၣ်အဘျုးအဂီၢ် နကဘၣ်မၤမနုၤလဲၣ်
ဃ့တၢ်မၤစၢၤလၢ ပှၤတဂၤဂၤကသိၣ်လိနၤ– မၢပှၤလၢအဟ့ၣ်နၤ လံာ်တဘ့ၣ်အံၤတဂၤန့ၣ် မၤလိနၤ လံာ်စီဆှံ မ့တမ့ၢ် ဒ်သိး နကမၤလိလံာ်စီဆှံအဂီၢ် မၤပှဲၤလံာ်ပတံထီၣ်လၢ jw.org အပူၤ.
အဆိကတၢၢ်တကူာ်
ဖးလံာ်အဆၢတဖၣ်ဃုာ်ဒီး တၢ်သံကွၢ်တဖၣ်ဖဲ (၁) ဒီးလံာ်စီဆှံအဆၢတဖၣ် လၢအပာ်ဖျါထီၣ် တၢ်ဂ့ၢ်မိၢ်ပှၢ် (၂) လံာ်စီဆှံအဆၢတနီၤလၢ အအိၣ်ဒီး “ဖး” န့ၣ်ဖးသကိးအီၤတက့ၢ်.
အခၢၣ်သးတကူာ်
တၢ်ဂ့ၢ်အဆိကတၢၢ်တခါဖဲ (၃) လၢအအိၣ်လၢ တၢ်ဂ့ၢ်ခိၣ်တီလၢအမ့ၢ် ဃုသ့ၣ်ညါအါထီၣ် အဖီလာ်န့ၣ် တဲဖျါထီၣ်ဝဲ တၢ်ဂ့ၢ်လၢလာ်တဖၣ်. တၢ်ဂ့ၢ်ခိၣ်တီတဖၣ်ဖဲ (၄) န့ၣ်တဲဖျါထီၣ်ဝဲ တၢ်ဂ့ၢ်မိၢ်ပှၢ်. ဖးလံာ်စီဆှံအဆၢတဖၣ်, စံးဆၢတၢ်သံကွၢ်တဖၣ် ဒီးကွၢ်တၢ်ဂီၤမူဖဲ (၅).
ကွၢ်တၢ်ဂီၤ ဒီးတဲသကိး တၢ်ဂီၤအခီပညီဖဲ (၆) ဒီးတၢ်ဂ့ၢ်ခိၣ်တီလၢအမ့ၢ် ပှၤတနီၤတဲဝဲလၢ န့ၣ်နကစံးဆၢအီၤအဂီၢ် ဆိကမိၣ်ပာ်စၢၤ (၇).
အကတၢၢ်တကူာ်
တၢ်မၤလိန့ၣ် ဘၣ်တၢ်မၤကတၢၢ်အီၤဖဲ တၢ်ဂ့ၢ်ခိၣ်တီလၢအမ့ၢ် တၢ်ဂ့ၢ်လၢအရ့ဒိၣ် ဒီး တၢ်ကွၢ်ကဒါက့ၤ (၈). ဖဲနမၤလိ တၢ်မၤလိဝံၤအခါ ကွဲးလီၤ မုၢ်နံၤမုၢ်သီ. တၢ်ဂ့ၢ်ခိၣ်တီလၢအမ့ၢ် ဖီတၢၣ် ဖဲ (၉) န့ၣ်မၤစၢၤနၤလၢ နကဆဲးမၤလိအါထီၣ်တၢ် မ့တမ့ၢ် အိၣ်မူမၤထွဲတၢ်လၢနမၤလိဘၣ်. လၢတၢ်ဂ့ၢ်ခိၣ်တီလၢအမ့ၢ် ဃုသ့ၣ်ညါ (၁၀) အပူၤန့ၣ် နကထံၣ်န့ၢ် တၢ်ဂ့ၢ်အဂၤတဖၣ်လၢ နအဲၣ်ဒိးဖး မ့တမ့ၢ် နအဲၣ်ဒိးကွၢ်အီၤ.
လံာ်စီဆှံအဆၢလၢ ဘၣ်တၢ်ပာ်ဖျါထီၣ်အီၤန့ၣ် နဃုအီၤလၢ နလံာ်စီဆှံအပူၤကသ့ဒ်လဲၣ်
လံာ်စီဆှံအဆၢတဖၣ်န့ၣ် ဘၣ်တၢ်ပာ်ဖျါထီၣ်အီၤ ဃုာ်ဒီး လံာ်အမံၤ (၁), အဆၢဒိၣ် (၂), ဒီးအဆၢဖိတဖၣ် (၃). အဒိ, ယိၤဟၣ် ၁၇:၃ န့ၣ်အဲၣ်ဒိးတဲဝဲ ယိၤဟၣ် အဆၢဒိၣ် ၁၇ အဆၢဖိ ၃.
တၢ်ဂ့ၤအဂၤလၢ နကဘၣ်သး
တၢ်သံကွၢ်လၢ ညီနုၢ်ပှၤသံကွၢ်တဖၣ်
ယဟိဝၤပှၤအုၣ်အသးတဖၣ် မၤလိလံာ်စီဆှံဒီးပှၤဂၤန့ၣ် မ့ၢ်မနုၤလဲၣ်
ယဟိဝၤပှၤအုၣ်အသးတဖၣ် ကွဲးမုာ်ပှၤဂၤလၢ ကမၤလိလံာ်စီဆှံ အတၢ်ရဲၣ်တၢ်ကျဲၤလၢ တလိၣ်ဟ့ၣ်အပှ့ၤဘၣ်န့ၣ် နသူ လံာ်စီဆှံလၢ နဘၣ်သးအီၤ တဘ့ၣ်ဘ့ၣ်သ့လီၤ. နကွဲမုာ် နဟံၣ်ဖိဃီဖိ ဒီးနတံၤသကိးတဖၣ်သ့လီၤ.
