Ifi Mungomfwisha Ifilembelwe Muli Yiyino Bloshuwa
Sambilileni ne Mboni ya BaYawe: Lombeni ukumusambisheni Baibolo ku wamupeeleni iyi bloshuwa neli ukupyungisha webusaiti yesu iya, jw.org.
AKABEYA KA KUTANGA
Pendeni amapalakalafu onse, ifyakwipusha ifili mu filembo ifitikeme (A) ne malembo onse (B) aalukubuulishisha ifyalabilwapo. Amalembo ambi alilembelwepo ati “Pendeni.”
AKABEYA KA BUFIBILI
Amashiwi akutanga (C) pali kamutwi kakweba’ti Sambilileni Ifingi alukubuulishisha ifilukukonkapo. Tumitwi utunini (D) tulukubuulishisha bucine ubulukulabilwapo. Pendeni amalembo, tambeni amavidyo, ne kwasuka ifyakwipusha fyonse (E).
Mulukuceba ifili pa fikope na tumashiwi utulukubuulishisha ifilipo (F). Nakabili, alakanyeni ifi mungasuka ifyakwipusha ifili pali ka mutwi kakweba’ti Bambi Balalabila Ati (G).
AKABEYA KA BUFITATU
Ifili pali kamutwi kakweba’ti Ifi Mwasambilila na Kani Munganuka? (H) filukubuulishisha fyonse lukoso ifi mwasambilila. Lembeni akasuba mwashila ukusambilila isambililo lyonse. Ifyakupyungilapo (I) filukubuulishisha ifi mwelelwe ukupyungilapo. Pali ka mutwi kakweba’ti Ishibilenipo na Fimbi (J) pali ifi mungatemwa ukupenda neli ukutamba.
Ifi mungasangana apa kupenda mu Baibolo
Pa kulemba Amalembo, balatatikilapo Ibuuku (A), icapitala (B), eli ne pa kupenda (C). Ku cakubwenako, Yoane 17:3 ilukwalula’ti ibuuku lyakwe Yoane, icapitala 17, apa kupenda pa 3.