Co se jué de chësta lezions bibliches
Tol tres la lezions cun n nseniant: damanda a chi che te à dat chësta brosciura de studië la Bibia cun té, o scrì ora la dumanda per unì cuntatà che ie da abiné sun nosta plata jw.org.
PRIMA PERT
Liej uni paragraf cun leprò la dumandes numeredes (A) y la scritures bibliches (B) che auza ora i ponc de majera mpurtanza. Dan a n valguna scritures bibliches abineres la scrita “liej”.
SEGONDA PERT
L prim paragraf (C) dla sezion Śën jons plu tl sot prejënta n curt chël che unirà tratà. I sottituli (D) auza ora i ponc de majera mpurtanza. Liej la scritures bibliches, respuend ala dumandes y cëla i video (E).
Analisea la ilustrazions y si descrizions (F). Pënsa do a coche te respundësses a: Vel’un dij (G).
TERZA PERT
La lezion fina via cun la sezions N curt y Cie es’a mparà? (H). Scrì su la data de canche te es finà via la lezion. Sot a Ubietif (I) abines cie che te posses te tò dant. Te Cuntenuc sëuraprò (J) iel da abiné articuli y video che ntegrea l argumënt.
Co abiné i fersc tla Bibia
I referimënc ala scritures bibliches ndichea l liber dla Bibia (A), l capitul (B) y l fers o i fersc (C). Per ejëmpl, Giuani 17:3 fej referimënt al liber de Giuani, capitul 17, fers 3.
