Muswelo wa kumwena mu bino bifundwa bya Bible
Wifunde’byo na Kamoni wa Yehova: Lomba yewa wakupa uno boloshile mwifunde nandi Bible, nansha kulomba kifundwa pa site yetu ya jw.org.
KIPINDI KIBAJINJI
Tangai musango umo umo, pamo ne bipangujo bityite (1) ne bisonekwa (2) bikomeneja myanda mikatampe. Yukai amba bisonekwa bimo i bilembwe’po amba “tangai.”
KIPINDI KYA PA BUKATA
Bilembwa bibajinji bya (3) mu kipindi Languluka Bininge bishintulula myanda ilonda’ko. Tumitwe twa myanda (4) tukomeneja byobya bisa kwisambilwa’po. Tangai bisonekwa, londololai bipangujo, kadi talai mavideo (5).
Bandaulai bifwatulo ne binenwa byabyo (6), kadi languluka pa mwa kulondolwela ku kipindi Bantu Bamo Banenanga’mba (7).
KIPINDI KYA MFULO
Bipindi Mu Kīpi ne Pitulukai’mo (8) bikongela pamo kifundwa. Lemba mafuku a kweji omwapwa kifundwa. Kipindi Witungile Kitungo (9) kikulombola mwingilo wa kwingila. Kipindi Kimba (10) kidi na myanda yokokeja kutanga ne kutala.
Mwa kusokwela mavese mu Bible
Bisonekwa bitelwanga na mukanda wa mu Bible (A), shapita (B), ne vese nansha mavese (C). Kimfwa, Yoano 17:3 i mukanda wa Yoano, shapita 17, vese 3.
Tala'po Bidi ne Bino:
BIPANGUJO BIPANGULWANGA DIVULE
Le Kifundwa kya Bible Kīfundanga Batumoni ba Yehova na Bantu I Bika?
Mu mpangiko ya kwifunda Bible ku bitupu na Batumoni ba Yehova, ubwanya kwingidija’mo bwalamuni bo-bonso bwa Bible. Ita kisaka kyobe kyonso nansha balunda nobe batanwe’po.
