¿Tiʼ jaku bʼant tuʼna tuʼn telxix tnikʼa tiʼj teyele junjun xnaqʼtzbʼil?
Xnaqʼtzana tiʼj uʼj lu tukʼil jun testigo de Jehová. Jaku txi tqʼamaʼna te testigo de Jehová saj qʼonte uʼj lu teya tuʼn tonin tiʼja tuʼn t-xnaqʼtzana tiʼj Tyol Dios moqa jaku txi tqanina jun t-xnaqʼtzbʼila toj qtembʼile te Internet jw.org.
TNEJEL PLAJ
Uʼjinktza kykyaqil párrafo. Ateʼ junjun xjel tok kyajlal, (A) ax ikx tok color qʼeq kyiʼj junjun taqikʼ Tyol Dios (B) tuʼntzun tel qnikʼ kyiʼj xnaqʼtzbʼil nim kyoklen. Ex in tzaj qʼamaʼn tuʼn kyjaw uʼjit junjun taqikʼ Tyol Dios.
TKABʼIN PLAJ
Toj tnejel párrafo tiʼj plaj «Qo jyon mas tqanil» in tzaj qʼamaʼn tiʼ qo xnaqʼtzal tiʼj (C). Aqeju subtítulo tok kyajlal in tzaj kyyekʼin qe xnaqʼtzbʼil nim kyoklen (D). Uʼjinktza qe taqikʼ Tyol Dios, tzaqʼwenxa qe xjel ex qʼonka twitza kyiʼj video (E).
Ximana kyiʼj tilbʼilal moqa dibujo ex tiʼj tqanil tok kyiʼj (F), ex ximana tiʼj tiʼ jaku txi tqʼamaʼna toj plaj «Aju in tzaj kyqʼamaʼn junjun xjal» (G).
TOXIN PLAJ
In kubʼaj xnaqʼtzbʼil tukʼil plaj «Toj chʼin yol» ex «Aju ma qo yolin tiʼj» (H). Aj tkubʼaj xnaqʼtzbʼil, tzʼibʼinkuxa alkye qʼij kubʼaj tuʼna. Tzul qʼoʼn junjun nabʼil teya toj plaj «Bʼinchankuya jlu» tuʼntzun tonin tiʼja tuʼn tkubʼ tbʼinchaʼna aju kʼelel tnikʼa tiʼj (I). Ax ikx toj plaj «Ojtzqinka chʼintl» che kanetel junjun xnaqʼtzbʼil tuʼna ex qe video jaku che onin tiʼja (J).
¿Tzeʼn jaku kanet jun texto tuʼna toj Tyol Dios?
Aj tkanet jun texto tuʼna, tnejel kxel tjyoʼna tbʼi uʼj (A), tkabʼin aju capítulo (B) ex toxin aʼyeju versículo (C). Jun techel, Juan 17:3. Atz in yolin jlu tiʼj uʼj te Juan, capítulo 17 ex versículo 3.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
